كورەيادا اكىم مۇعالىمنەن ەكى ەسە از جالاقى الادى

11080
Adyrna.kz Telegram

كورەيادا ەتتىڭ 100 گرامى 3800 تەڭگە. ازىق-تۇلىكتەرى وتە قىمبات. ەتتەرىنەن ۋكولدىڭ ءيىسى قاتتى شىعىپ تۇرادى. تاماقتارىن جەي المايمىز. كەشە كوشەگە شىعىپ، جان جاقتى بارلادىم. قاتار تۇرعان ءۇش دۇكەندە باعا ءۇش ءتۇرلى. ءبىرىنشى دۇكەندە بارلىق تاۋاردىڭ باعاسى جازىلىپ تۇر.

ءبىز مەنسىنبەيتىن تەز دايارلاناتىن كەسپەلەر (دوشيراكتار) مۇندا شامامەن 600 تەڭگە بولادى. ىزدەپ ءجۇرىپ قىزىما كلۋبنيكا تاپتىم. 500 گرامم كلۋبنيكا 4000 ۆون، بۇل تەڭگەگە شاققاندا 1500 تەڭگە بولادى.

ال ەندى ءۇش دۇكەندە نەگە ءۇش ءتۇرلى باعا دەگەنگە كەلسەك،  كورەيادا كاسىپكەرلەر ۇكىمەتكە جالتاقتامايدى. سالىعىن تولەيدى.  دۇكەندەرىن ارنايى ۋاكىلدەر كەلىپ تەكسەرىپ تۇرادى.  ءونىم باعاسىن دا سول ارنايى ۋاكىلدەرمەن كەڭەسىپ قويادى. شىعىنى ءوسىپ بارا جاتسا،  جالعا الۋ قۇنى جوعارلاسا بىردەن مەملەكەتتىك باعالاۋ-ساراپتاۋ قىزمەتىنە جۇگىنەدى. سوسىن بارىپ ءونىم باعاسىنا قوسىمشا قۇن قوسادى. جوعارىدا ايتقانىمداي، ەتتىڭ 100 گرامى 3800 تەڭگە. سەبەبى كارىستەرگە كەلەتىن ەتتىڭ 82 پايىزى يمپورت.

ال قالعان 22 پايىزى وتاندىق ەت ونىمدەرى.  يمپورت بولعاننان كەيىن ارينە ءونىم قىمبات.  تەحنيكاسى دامىعان ەل بولعاندىقتان بۇل جاقتا ۇيالى تەلەفون ارزان.  بارلىق جەردە ۆايفاي تەگىن. ماگازينگە كىرەسىڭ پارول سۇراماي-اق ۆايفاي قوسىلادى. كلينيكادا اۋدارماشىلار بار. دۇكەنگە كىرگەندە گۋگل پەرەۆودچيككە ريزا بولدىم. ورىسشانى كورەي تىلىنە اۋدارىپ الدىم دا، تەلەفون ارقىلى كورسەتىپ قالاعانىمدى الدىم. سونداعى العانىم 500 گرام كلۋبنيكا، ءتاتتى پەچەنە، ۆافلي، نان، سالفەتكا الدىم. وسىنىڭ بارلىعى 16 مىڭ ۆون بولدى. تەڭگەگە شاققاندا 6000 مىڭ تەڭگە. مىنە، كورەي ەلىندەگى ازىق-تۇلىك باعاسى وسى. بىردەن پالاتاعا كەلە سالىپ اۋدارماشىدان "پروفەسسورلىق اتاعى جوق قاتارداعى دارىگەرلەر قانشا جالاقى الادى" دەپ سۇرادىم. 3500 دوللار الادى ەكەن. ءجاي عانا ۋنيۆەرسيتەت بىتىرگەن قاتارداعى مۇعالىم، 4000 دوللار الاتىن كورىنەدى. ال پروفەسسورلارىنىڭ جالاقىسى 6000 دوللاردىڭ اينالاسى. بۇل ەلدە ەڭ قۇرمەتتى ماماندىق دارىگەر مەن مۇعالىم ەكەن. "سوسىن مەملەكەتتىك قىزمەتتە جۇمىس ىستەيۋگە اسا قۇلىق تانىتپايمىز" دەيدى.. سەبەبى اكىم، مەر، دەپۋتات، مينيستر دەگەندەردىڭ جالاقىسى وتە از ەكەن.. ولار مۇعالىمدەردەن ەكى ەسە از جالاقى الاتىن كورىنەدى. مەنىڭ ەڭ قىزىقتىرعانى بۇل ەلدە مۇعالىمدەر مەن دارىگەرلەرگە قوعامدىق كولىكتە ءجۇرۋ ءۇشىن ارنايى جەڭىلدىك كارتاسى، كوممۋنالدىق تولەمگە ارنايى جەڭىلدىك بەرىلەدى ەكەن. بارلىعىن ويلانىپ ىستەيتىن حالىق قوي ءبىلىمى مەن دەنساۋلىعىنا قاتتى ءمان بەرىلگەن. ءبىز ەكونوميكاعا بولىنەتىن قارجىنىڭ 60 پايىزىن بانكتەردى قۋاتتاندىرۋعا بەرسەك، ال بۇل ەل ءبىلىمى مەن دەنساۋلىعىن جانداندىرۋعا بەرەدى ەكەن. ءبىزدىڭ بانكتەر ۇكىمەتتەن قارجىنى الىپ الادى دا، ونى حالىققا 28 پايىزبەن قايتارا قارىزعا بەرىپ ەلدى دەپرەسسياعا ءتۇسىرىپ ءجۇر عوي. ال بۇلاردا قارجى ءبىرىنشى كەزەكتە مەديتسينا مەن بىلىمگە بولىنەدى. وسىدان بارىپ ۇكىمەتتىڭ ءبىزدى سىيلاماي وتىرعانىنا قارنىم اشتى. سىيلاسا ادام كاپيتالىنىڭ دامۋىن ويلاپ الدىمەن حالىقتى قارىزعا باتىراتىن بانكتەردى جارىلقاي بەرمەي دەنساۋلىق پەن ءبىلىم سالاسىنا قارجى بولەر ەدى.
"بۇل ارادا ازىق-تۇلىگى قىمبات ەكەن" دەپ مەن ايتقانمەن جەرگىلىكتى كارىستەردىڭ جالاقىسى ونى كوتەرىپ تۇر. ونى كۇلىپ قانا جۇرەتىن كارىستەردىڭ كيىم كيىسىنەن ءجۇرىس تۇرىسىنان اڭعارۋعا بولادى. "كەدەي تۇرادى دەگەن اۋداننىڭ وزىندە مەديتسينانى دامىتۋ ءۇشىن بارلىعى جاسالعان" دەگەندە "ەەە، ۇكىمەتىم-اي" دەپ ءبىر كۇرسىندىم...

 

قارلىعاش زارىقحانقىزى،

كورەيا-الماتى

"ادىرنا" ۇلتتىق پورتالى

پىكىرلەر