8 قاڭتار كۇنى ۋكراينا حالىقارالىق اۋە كومپانياسىنىڭ لاينەرى تەگەران اۋەجايىنان ۇشىپ شىققاننان كەيىن ەكى مينۋتتان سوڭ اپاتقا ۇشىرادى. PS 752 رەيسى كيەۆكە بەت العان بولاتىن. 176 ادام قازا تاپتى. قايتىس بولعانداردىڭ ىشىندە - 11 ۋكرايندىق (ەكيپاجدىڭ توعىز مۇشەسى جانە ەكى جولاۋشى), 82 يران ازاماتى، 63 - كانادا، 10 - شۆەتسيا، تورتەۋى - اۋعانستان، ۇشەۋى - گەرمانيا، ۇشەۋى - ۇلىبريتانيا ازاماتتارى بولعان. ماۋ قايتىس بولعان قىزمەتكەرلەردىڭ رەسمي ءتىزىمىن جاريالادى: ءۇش ۇشقىش (گاپونەنكو ۆلاديمير يۆانوۆيچ، ناۋمكين الەكسەي ەۆگەنەۆيچ، حومەنكو سەرگەي اناتولەۆيچ) جانە التى بورتسەرىك (وۆچارۋك ۆالەريا ەۆگەنەۆنا، ليحنو دەنيس ميحايلوۆيچ، ميتيتيۋك ماريا ميحايلوۆنا، ستاتنيك ەكاتەرينا ولەگوۆنا، نيكولاەۆنا نيكولاەۆنا، سولوگۋبا يۋليا يگور ۆالەرەۆيچ). جولاۋشىلاردىڭ ەسىمدەرى: الەنا مالاحوۆا جانە ولگا كوبيۋك.
وسىلاردىڭ ىشىندەگى بورتسەرىك ستاتنيك ەكاتەرينا تۋىستارىنا حابارلاسىپ، وزدەرىن اتىپ تۇسىرگەنىن ايتىپ ۇلگەرگەن ەكەن. بۇل تۋرالى ۋكراينالىق niknews.mk.ua حابارلادى.
جۋرناليستەردىڭ انىقتاۋى بويىنشا، ول حەرسون ولكەسىندەگى جاڭا كاحوۆكا اۋىلىندا تۋعان. «تۆ» رەداكتسياسى سەنىمدى اقپارات كوزدەرى ارقىلى ەكاتەرينانىڭ اپات بولعان ۋاقىتتا تۋىستارىنا قوڭىراۋ شالىپ، ولاردى اتىپ تۇسىرگەنىن ايتىپ ۇلگەرگەنىن انىقتايدى. ەكاتەرينا اسىعىس شالا-شارپى ايتىپ جاتقاندا بايلانىس ۇزىلگەن.
ۇشاقتى اتىس قارۋىنان اتقان دەپ بولجاۋعا بولادى، ناتيجەسىندە موتورى ورتەنىپ، ارتىنان جارىلعان.
جاڭا كاحوۆكاداعى №8 ورتا مەكتەبىنىڭ الەۋمەتتىك جەلىسىندەگى پاراقشاسىندا "كاتيا ستاتنيك - بۇل ءبىزدىڭ 2009 جىلعى تۇلەگىمىز. بۇل ادەمى، كۇلىمسىرەگەن قىزدى ءبارى ەسكە الادى. ول مۇنداي قىسقا ومىرگە جانە مۇنداي قورقىنىشتى ولىمگە لايىق ەمەس ەدى »، - دەپ جازىپ جاتىر.
ۋكراينالىق جۋرناليستەردىڭ اقپاراتىن Tengrinews.kz سايتى دا قولدانعان. بىراق، قىسقا عانا توقتالعان.
ۇشاقتىڭ اتىپ ءتۇسىرىلۋى مۇمكىن بە دەگەن سۇراققا جاۋاپ ىزدەگەندە رەسمي تەگەراننىڭ ۇشاقتىڭ قارا جاشىگىن اقش-قا بەرۋدەن باس تارتۋى، بۇل كۇدىكتى قويۋلاتا تۇسەدى.
"ادىرنا" ۇلتتىق پورتالى
