8 qańtar kúni Ýkraına halyqaralyq áýe kompanııasynyń laıneri Tegeran áýejaıynan ushyp shyqqannan keıin eki mınýttan soń apatqa ushyrady. PS 752 reısi Kıevke bet alǵan bolatyn. 176 adam qaza tapty. Qaıtys bolǵandardyń ishinde - 11 ýkraındyq (ekıpajdyń toǵyz múshesi jáne eki jolaýshy), 82 Iran azamaty, 63 - Kanada, 10 - Shveııa, tórteýi - Aýǵanstan, úsheýi - Germanııa, úsheýi - Ulybrıtanııa azamattary bolǵan. MAÝ qaıtys bolǵan qyzmetkerlerdiń resmı tizimin jarııalady: úsh ushqysh (Gaponenko Vladımır Ivanovıch, Naýmkın Alekseı Evgenevıch, Homenko Sergeı Anatolevıch) jáne alty bortserik (Ovcharýk Valerııa Evgenevna, Lıhno Denıs Mıhaılovıch, Mıtıtıýk Marııa Mıhaılovna, Statnık Ekaterına Olegovna, Nıkolaevna Nıkolaevna, Sologýba Iýlııa Igor Valerevıch). Jolaýshylardyń esimderi: Alena Malahova jáne Olga Kobıýk.
Osylardyń ishindegi bortserik Statnık Ekaterına týystaryna habarlasyp, ózderin atyp túsirgenin aıtyp úlgergen eken. Bul týraly ýkraınalyq niknews.mk.ua habarlady.
Jýrnalısterdiń anyqtaýy boıynsha, ol Herson ólkesindegi Jańa Kahovka aýylynda týǵan. «TV» redakııasy senimdi aqparat kózderi arqyly Ekaterınanyń apat bolǵan ýaqytta týystaryna qońyraý shalyp, olardy atyp túsirgenin aıtyp úlgergenin anyqtaıdy. Ekaterına asyǵys shala-sharpy aıtyp jatqanda baılanys úzilgen.
Ushaqty atys qarýynan atqan dep boljaýǵa bolady, nátıjesinde motory órtenip, artynan jarylǵan.
Jańa Kahovkadaǵy №8 orta mektebiniń áleýmettik jelisindegi paraqshasynda "Katıa Statnık - bul bizdiń 2009 jylǵy túlegimiz. Bul ádemi, kúlimsiregen qyzdy bári eske alady. Ol mundaı qysqa ómirge jáne mundaı qorqynyshty ólimge laıyq emes edi », - dep jazyp jatyr.
Ýkraınalyq jýrnalısterdiń aqparatyn Tengrinews.kz saıty da qoldanǵan. Biraq, qysqa ǵana toqtalǵan.
Ushaqtyń atyp túsirilýi múmkin be degen suraqqa jaýap izdegende resmı Tegerannyń ushaqtyń qara jáshigin AQSh-qa berýden bas tartýy, bul kúdikti qoıýlata túsedi.
"Adyrna" ulttyq portaly
