سينحۋا اگەنتتىگىنىڭ حابارلاۋىنشا، وتكەن تاۋلىكتە قىتايداعى قاۋىپتى ۆيرۋستان تاعى 24 ادام كوز جۇمدى. جالپى ۆيرۋس تاراعالى 80 ادام قايتىس بولعان.
قحر-نىڭ دەنساۋلىق ساقتاۋ ءىسى جونىندەگى مەملەكەتتىك كوميتەتتىڭ مالىمەتىنشە، حۋبەي پروۆينتسياسىندا ادامدار اۋىر حالگە ءتۇسىپ جاتىر، ال اۋرۋدىڭ تارالۋ وشاعى اكىمشىلىك ورتالىق ۋحان قالاسى.
ەلدە قاۋىپتى ۆيرۋستى جۇقتىرعاندار سانى 2 مىڭ 794 ادامعا جەتكەن، ءبىر تاۋلىكتە تاعى 769 ادامنىڭ ۆيرۋس جۇقتىرعانى انىقتالعان. 3,8 مىڭ ادام اۋرۋ جۇقتىرۋى مۇمكىن دەگەن كۇدىككە ىلىنگەن، ەكى ادام ەمدەۋ كۋرسىنان ءساتتى ءوتىپ، اۋرۋحانادان شىعارىلعان.
بۇل اۋرۋدى جۇقتىرعاندار قىتاي ماڭىنداعى ەلدەردە دە كەزدەسىپ جاتىر، ماسەلەن گونكونگتا سەگىز، ماكاودا – بەس، تايۆاندا – ءتورت ادام قاۋىپتى ۆيرۋستى جۇقتىرعانى انىقتالعان.
قحر-نىڭ دەنساۋلىق ساقتاۋ ءىسى جونىندەگى مەملەكەتتىك كوميتەتتى تايلاند، اۆستارليا مەن سينگاپۋردە – ءتورت ادامنىڭ ۆيرۋس جۇقتىرعانىن حابارلادى.
سونىمەن قاتار، جاپونيا، وڭتۇستىك كورەيا، اقش، مالايزيا مەن فرانتسيادا – ءۇش، ۆەتنامدا –ەكى، نەاپالدا – ءبىر جاعداي انىقتالعان.
