ەلىمىزدىڭ دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتى توراعاسىنىڭ ورىنباسارى نۇرقان سادۋاقاسوۆ ۋحاننان ەۆاكۋاتسيالانعان ستۋدەنتتەر تۋرالى ايتتى، - دەپ حابارلايدى Tengrinews.kz دەنساۋلىق ساقتاۋ مينيسترلىگىنىڭ سايتىنا سىلتەمە جاساپ.
«83 قازاقستاندىق كارانتينگە جاتقىزىلدى، ولاردىڭ 80-ءى ستۋدەنتتەر. ولاردىڭ بارلىعى «نۇر-سۇلتان» كوپسالالى اۋرۋحاناسىنا جاتقىزىلدى. اۋرۋحانا جاڭا، مامانداندىرىلعان، قاۋىپسىزدىك جۇيەسى كۇشەيتىلگەن. ءار قاباتتاعى كامەرادا جەكە جەلدەتۋ جۇيەسى بار. بۇل «تازا بولمەلەر» دەپ اتالاتىن وتە جاقسى جۇيە»، - دەدى نۇرقان سادۋاقاسوۆ.
ونىڭ ايتۋىنشا، ۇشاقتىڭ بورتىندا دارىگەرلەر ۋحاننان كەلگەندەردىڭ قىزۋىن ولشەپ، جاعدايلارىن باقىلاپ وتىرعان.
«ۇشاقتا ولاردى ءبىزدىڭ سانيتارلىق دارىگەرلەرىمىز جانە ەپيدەميولوگتار الىپ ءجۇردى. ءبىر ايەلدىڭ تەمپەراتۋراسى 37,2, بىراق ول ەشقانداي كوروۆيرۋستىڭ قاۋىپىن كورسەتپەيدى. جاعدايلارى جاقسى»، - دەيدى نۇرقان سادۋاقاسوۆ.
سونداي-اق ول كوپسالالى اۋرۋحانانىڭ ينفەكتسيالىق بولىمىندەگى كامەرالار ءبىر-بىرىنەن وقشاۋلانعانىن ايتتى.
«سۋتدەنتتەر قازاقستاننىڭ بارلىق قالالارىنان ياعني نۇر-سۇلتان، الماتى، شىمكەنت، اقتاۋ، سەمەي، الماتى وبلىسى، قاراعاندى ايماقتارىنىڭ تۋماسى. بولاردىڭ بارلىعى ءبىزدىڭ تالاپتارىمىزعا كەلىسەدى. ءبىز بارىنشا ساقتىق شارالارىن قابىلداۋعا مىندەتتىمىز »، - دەپ تولىقتىردى نۇرلان سادۋاقاسوۆ.
«نۇر-سۇلتان» كوپ ءپروفيلدى مەديتسينالىق ورتالىعى، ينفەكتسيالىق ءبولىمى ديرەكتورىنىڭ ورىنباسارى ساۋلە اتىعاەۆا كارانتينگە ۇشىراعان ادامداردىڭ جاعدايى تۋرالى ايتتى.
«ناۋقاستاردىڭ جاعدايى قاناعاتتانارلىق. ولاردان شاعىمدار تۇسكەن جوق، دەنە قىزۋى قالىپتى. مەديتسينالىق باقىلاۋ بۇكىل ينكۋباتسيا كەزەڭىندە جالعاسادى»، - دەپ قورىتىندىلادى دارىگەر.
سونداي-اق دەنساۋلىق ساقتاۋ مينيسترلىگىنىڭ سايتىندا پاتسيەنتتەرمەن اۋرۋحانانىڭ قالالىق تەلەفوندارى ارقىلى بايلانىسۋعا بولاتىنى ايتىلعان. سەبەبى ۋحاننان كەلگەندەردىڭ ءۇيالى تەلەفوندارى زالالسىزداندىرۋ ماقساتىندا الىنعان.
سايتتا ۋحاننان كەلگەن قىزدىڭ جولداعان ۇندەۋىندە بىلاي دەلىنگەن:
«2016 جىلدان باستاپ ۋحان قالاسىندامىن. 22 قاڭتاردا قالادا كارانتين جاريالانعان كەزدە، ەۆاكۋاتسيا جوسپارىن جاسادىق، ويتكەنى، ءبىز بەلگىسىز جاعدايعا تاپ بولدىق. سوڭعى ساتكە دەيىن قىتاي باسقا ەلدەر ءۇشىن اۋە كەڭىستىگىن پايدالانۋعا رۇقسات بەرمەدى »، - دەدى ۋحاننان كەلگەن قازاقستاندىق ستۋدەنت.
قىز تۋىستارىن وسى اۋرۋحانادا جاتقان ادامدارعا «ولاردىڭ جاعدايى جاقسى» دەپ الاڭداماۋعا شاقىردى.
«قىتايدا ۇزاق ۋاقىت بولعان جىگىتتەر ءوز نومىرلەرىن تىركەي المادى، ال قازاقستانعا كەلگەندە ولاردىڭ نومىرلەرى ءوشىرىلدى. اتا-انالارى ەۆاكۋاتسيا جوسپارى بويىنشا ءبىز قازاقستانعا كەلگەنىمىزدى بىلەدى، بىراق ءبىز كىم جانە قاي پالاتادا ەكەنىمىزدى بىلمەيمىز»، - دەدى ول.
سونداي-اق ول وتانداستارعا جانە ەل باسشىلىعىنا كورسەتكەن قولداۋى ءۇشىن العىسىن ءبىلدىردى.
«قۇرمەتتى قازاق حالقى! ءبىز ءبارىمىز ەلگە كەلدىك، دارىگەرلەردىڭ باقىلاۋىندامىز. ءبىزدى شىن جۇرەكتەن ۋايىمدايتىنداردىڭ بارلىعىنا كوپ راحمەت »، - دەپ سايت قىزدىڭ ءسوزىن كەلتىرەدى.
