Uhannan kelgen student qazaqstandyqtarǧa ündeu joldady

Elımızdıŋ Densaulyq saqtau ministrlıgı Tauarlar men qyzmetterdıŋ sapasy men qauıpsızdıgı komitetı töraǧasynyŋ orynbasary Nūrqan Säduaqasov Uhannan evakuasiialanǧan studentter turaly aitty, - dep habarlaidy Tengrinews.kz Densaulyq saqtau ministrlıgınıŋ saityna sılteme jasap. «83 qazaqstandyq karantinge jatqyzyldy, olardyŋ 80-ı studentter. Olardyŋ barlyǧy «Nūr-Sūltan»  köpsalaly auruhanasyna jatqyzyldy. Auruhana jaŋa, mamandandyrylǧan, qauıpsızdık jüiesı küşeitılgen. Är qabattaǧy kamerada jeke jeldetu jüiesı bar. Būl «taza bölmeler» dep atalatyn öte jaqsy jüie», - dedı Nūrqan Säduaqasov. Onyŋ aituynşa, ūşaqtyŋ bortynda därıgerler Uhannan kelgenderdıŋ qyzuyn ölşep, jaǧdailaryn baqylap otyrǧan. «Ūşaqta olardy bızdıŋ sanitarlyq därıgerlerımız jäne epidemiologtar alyp jürdı. Bır äieldıŋ temperaturasy 37,2, bıraq ol eşqandai korovirustyŋ qauıpın körsetpeidı.  Jaǧdailary jaqsy», - deidı Nūrqan Säduaqasov. Sondai-aq ol köpsalaly auruhananyŋ infeksiialyq bölımındegı kameralar bır-bırınen oqşaulanǧanyn aitty.   «Sutdentter Qazaqstannyŋ barlyq qalalarynan iaǧni  Nūr-Sūltan, Almaty, Şymkent, Aqtau, Semei, Almaty oblysy, Qaraǧandy aimaqtarynyŋ tumasy. Bolardyŋ barlyǧy bızdıŋ talaptarymyzǧa kelısedı. Bız barynşa saqtyq şaralaryn qabyldauǧa mındettımız », - dep tolyqtyrdy Nūrlan Säduaqasov. «Nūr-Sūltan» köp profildı medisinalyq ortalyǧy, infeksiialyq bölımı direktorynyŋ orynbasary Säule Atyǧaeva karantinge ūşyraǧan adamdardyŋ jaǧdaiy turaly aitty. «Nauqastardyŋ jaǧdaiy qanaǧattanarlyq. Olardan şaǧymdar tüsken joq,  dene qyzuy qalypty. Medisinalyq baqylau bükıl inkubasiia kezeŋınde jalǧasady», - dep qorytyndylady därıger. Sondai-aq Densaulyq saqtau ministrlıgınıŋ saitynda pasienttermen auruhananyŋ qalalyq telefondary arqyly bailanysuǧa bolatyny aitylǧan. Sebebı Uhannan kelgenderdıŋ üialy telefondary zalalsyzdandyru maqsatynda alynǧan. Saitta Uhannan kelgen qyzdyŋ joldaǧan ündeuınde bylai delıngen: «2016 jyldan bastap Uhan qalasyndamyn.  22 qaŋtarda qalada karantin jariialanǧan kezde, evakuasiia josparyn jasadyq, öitkenı, bız belgısız jaǧdaiǧa tap boldyq. Soŋǧy sätke deiın Qytai basqa elder üşın äue keŋıstıgın paidalanuǧa rūqsat bermedı », - dedı Uhannan kelgen qazaqstandyq student. Qyz tuystaryn osy auruhanada jatqan adamdarǧa «olardyŋ jaǧdaiy jaqsy» dep alaŋdamauǧa şaqyrdy. «Qytaida ūzaq uaqyt bolǧan jıgıtter öz nömırlerın tırkei almady, al Qazaqstanǧa kelgende olardyŋ nömırlerı öşırıldı. Ata-analary evakuasiia jospary boiynşa bız Qazaqstanǧa kelgenımızdı bıledı, bıraq bız kım jäne qai palatada ekenımızdı bılmeimız», - dedı ol. Sondai-aq ol otandastarǧa jäne el basşylyǧyna körsetken qoldauy üşın alǧysyn bıldırdı. «Qūrmettı qazaq halqy! Bız bärımız elge keldık, därıgerlerdıŋ baqylauyndamyz. Bızdı şyn jürekten uaiymdaityndardyŋ barlyǧyna köp rahmet », - dep sait qyzdyŋ sözın keltıredı.