قر تۇڭعىش پرەزيدەنتىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى.
كەزدەسۋ بارىسىندا جامبىل وبلىسى، قورداي اۋدانىنداعى جاعداي، بيولوگيالىق قاۋىپسىزدىكتى قامتاماسىز ەتۋ جانە كوروناۆيرۋس ينفەكتسياسىنىڭ تارالۋىنا قارسى تۇرۋ ماسەلەلەرى قارالدى.
كەزدەسۋدى اشقان نۇرسۇلتان نازارباەۆ قورداي ايماعىندا بولعان وقيعالاردىڭ سالدارىنان قازا بولعانداردىڭ وتباسىلارىنا كوڭىل ايتتى جانە بارلىق زارداپ شەككەندەردىڭ تەزىرەك ساۋىعىپ كەتۋلەرىنە تىلەكتەس ەكەنىن ءبىلدىردى.
"قازىرگى جاعداي مەنى قاتتى الاڭداتادى. 30 جىل ىشىندە ءبىز ءوز حالقىمىزبەن بىرگە ەداۋىر قيىندىقتاردى باستان وتكەردىك. جاستار بۇل پروبلەمالاردى ءتىپتى ەلەستەتە دە المايدى. قازاقستانداعى 130 كاسىپورىن ءوز قىزمەتىن توقتاتىپ، 2,5 ميلليون ادام جۇمىسسىز جانە تابىسسىز قالدى، باسپانالاردا جىلۋ بولمادى، ازىق-تۇلىك تاپشىلىعى بولدى. ءبىز ءبارىمىز وسىنىڭ بارلىعىنان بىرگە وتتىك»، - دەدى ەلباسى.
قاۋىپسىزدىك كەڭەسىنىڭ توراعاسى قازاقستان تاۋەلسىزدىك العاننان كەيىن الەۋمەتتىك-ەكونوميكالىق تۇرعىدا ۇلكەن قيىندىقتاردى باستان وتكەرگەنىن ەسكە سالدى.
- ەگەر ءبىز كوپۇلتتى حالقىمىزدى بىرىكتىرىپ، تۇراقتىلىقتى قامتاماسىز ەتە الماعاندا، بۇگىندە ەلىمىزگە شەتەلدىك ينۆەستيتسيالار كەلىپ، ەكونوميكا دامىمايتىن ەدى. ارينە، مەملەكەت باسشىلارىنا ءتيىستى مىندەتتەر قويىلدى، بىراق بەيبىتشىلىك پەن كەلىسىمدى ساقتاۋ – ەڭ الدىمەن، ءبىزدىڭ حالقىمىزدىڭ مىندەتى، - دەدى نۇرسۇلتان نازارباەۆ.
بۇعان قوسا، ەلباسى وسى جاعدايدىڭ سەبەپتەرىن مۇقيات زەرتتەپ، كىنالىلەردى زاڭ نورمالارىنا سايكەس جازالاۋدى تاپسىردى.
- بۇل پروبلەما اعا بۋىنعا وي سالۋى كەرەك. مەنىڭ ۇلت كوشباسشىسى رەتىندەگى ماقساتىم – قازاقستاندى بولاشاق ۇرپاق ماقتانا الاتىنداي دەڭگەيگە كوتەرۋ. اعا بۋىننىڭ مىندەتى – ءبىزدىڭ ورتاق ماقساتىمىزدىڭ تاۋەلسىز، دامىعان جانە تۇراقتى مەملەكەتىمىزدى ساقتاۋ ەكەندىگىن ادامدارعا ءتۇسىندىرۋ، - دەدى قاۋىپسىزدىك كەڭەسىنىڭ توراعاسى.
ەلباسى قازىرگى ۋاقىتتا پرەزيدەنت ق.ج. توقاەۆتىڭ تاپسىرماسىمەن ۇكىمەت پەن وبلىس اكىمدىگى زارداپ شەككەن ەلدى-مەكەندەردە قالىپتى ءومىردى قالپىنا كەلتىرۋ ءۇشىن شارالار قابىلداپ جاتقاندارىن دا اتاپ ءوتتى.
سونداي-اق، جەرگىلىكتى اتقارۋشى جانە قۇقىق قورعاۋ ورگاندارىنىڭ، قازاقستان حالقى اسسامبلەياسى مەن ونىڭ ايماقتىق بولىمشەلەرىنىڭ جۇمىس ساپاسىنا ەرەكشە نازار اۋدارىلدى.
- اسسامبلەيا مەن ونىڭ ايماقتىق بولىمشەلەرى بەلسەندى بولىپ، مۇنداي جاعدايلاردى باقىلاۋدا ۇستاۋى كەرەك. بۇل ءبىزدىڭ ورتاق مىندەتىمىز، - دەدى قازاقستاننىڭ تۇڭعىش پرەزيدەنتى.
كەزدەسۋ بارىسىندا جامبىل وبلىسىنىڭ اكىمى ب. ساپارباەۆ، ىشكى ىستەر ءمينيسترى ە. تۇرعىمباەۆ جان-جاقتى ەسەپ بەردى.
ءبىرىنشى ماسەلەنى تالقىلاۋ اياسىندا ورتالىق مەملەكەتتىك جانە جەرگىلىكتى اتقارۋشى ورگاندارعا ەلىمىزدىڭ وڭىرلەرىندەگى، ونىڭ ىشىندە، جۇمىسپەن قامتۋ جانە ينفراقۇرىلىمدى دامىتۋ، الەۋمەتتىك وبەكتىلەردى قايتا قۇرۋ سالاسىنداعى الەۋمەتتىك-ەكونوميكالىق پروبلەمالاردى شەشۋگە باعىتتالعان باعدارلامالاردى ودان ءارى ىسكە اسىرۋ تاپسىرىلدى.
وتىرىستىڭ كۇن تارتىبىندەگى ەكىنشى ماسەلە بويىنشا دەنساۋلىق ساقتاۋ ءمينيسترى ەلجان ءبىرتانوۆ بايانداما جاسادى.
قاۋىپسىزدىك كەڭەسىنىڭ توراعاسى كوروناۆيرۋسقا قاتىستى جاعداي قىتاي ەكونوميكاسىنا دا، قازاقستان ەكونوميكاسىنا دا تەرىس اسەر ەتۋى مۇمكىن ەكەنىن اتاپ ءوتتى.
ءبىز «قول قۋسىرىپ» وتىرماۋىمىز كەرەك. بارلىق جاعدايعا دايىن بولىپ، ءدارى-دارمەكتەرمەن جانە باسقا دا قاجەتتى رەسۋرستارمەن قامتاماسىز ەتكەن ءجون. بۇل ماسەلەنى باقىلاۋدا ۇستاۋ قاجەت. مۇنداي جاعدايلاردا قارسى شارالار اتقارقارۋعا دايىن بولىپ، سىرتقى فاكتوردىڭ ۇلتتىق ەكونوميكاعا تەرىس اسەرىن بولدىرماۋ قاجەت »، - دەدى نۇرسۇلتان نازارباەۆ.
