Nūrsūltan Nazarbaev: "Qazırgı jaǧdai menı qatty alaŋdatady"

QR Tūŋǧyş Prezidentınıŋ töraǧalyǧymen Qauıpsızdık Keŋesınıŋ otyrysy öttı. Kezdesu barysynda Jambyl oblysy, Qordai audanyndaǧy jaǧdai, biologiialyq qauıpsızdıktı qamtamasyz etu jäne koronavirus infeksiiasynyŋ taraluyna qarsy tūru mäselelerı qaraldy. Kezdesudı aşqan Nūrsūltan Nazarbaev Qordai aimaǧynda bolǧan oqiǧalardyŋ saldarynan qaza bolǧandardyŋ otbasylaryna köŋıl aitty jäne barlyq zardap şekkenderdıŋ tezırek sauyǧyp ketulerıne tılektes ekenın bıldırdı. "Qazırgı jaǧdai menı qatty alaŋdatady. 30 jyl ışınde bız öz halqymyzben bırge edäuır qiyndyqtardy bastan ötkerdık. Jastar būl problemalardy tıptı elestete de almaidy. Qazaqstandaǧy 130 käsıporyn öz qyzmetın toqtatyp, 2,5 million adam jūmyssyz jäne tabyssyz qaldy, baspanalarda jylu bolmady, azyq-tülık tapşylyǧy boldy. Bız bärımız osynyŋ barlyǧynan bırge öttık», - dedı Elbasy. Qauıpsızdık Keŋesınıŋ Töraǧasy Qazaqstan Täuelsızdık alǧannan keiın äleumettık-ekonomikalyq tūrǧyda ülken qiyndyqtardy bastan ötkergenın eske saldy. - Eger bız köpūltty halqymyzdy bırıktırıp, tūraqtylyqty qamtamasyz ete almaǧanda, bügınde elımızge şeteldık investisiialar kelıp, ekonomika damymaityn edı. Ärine, memleket basşylaryna tiıstı mındetter qoiyldy, bıraq beibıtşılık pen kelısımdı saqtau – eŋ aldymen, bızdıŋ halqymyzdyŋ mındetı, - dedı Nūrsūltan Nazarbaev. Būǧan qosa, Elbasy osy jaǧdaidyŋ sebepterın mūqiiat zerttep, kınälılerdı zaŋ normalaryna säikes jazalaudy tapsyrdy. - Būl problema aǧa buynǧa oi saluy kerek. Menıŋ Ūlt Köşbasşysy retındegı maqsatym – Qazaqstandy bolaşaq ūrpaq maqtana alatyndai deŋgeige köteru. Aǧa buynnyŋ mındetı – bızdıŋ ortaq maqsatymyzdyŋ täuelsız, damyǧan jäne tūraqty memleketımızdı saqtau ekendıgın adamdarǧa tüsındıru, - dedı Qauıpsızdık Keŋesınıŋ Töraǧasy. Elbasy qazırgı uaqytta Prezident Q.J. Toqaevtyŋ tapsyrmasymen Ükımet pen oblys äkımdıgı zardap şekken eldı-mekenderde qalypty ömırdı qalpyna keltıru üşın şaralar qabyldap jatqandaryn da atap öttı. Sondai-aq, jergılıktı atqaruşy jäne qūqyq qorǧau organdarynyŋ, Qazaqstan halqy Assambleiasy men onyŋ aimaqtyq bölımşelerınıŋ jūmys sapasyna erekşe nazar audaryldy. - Assambleia men onyŋ aimaqtyq bölımşelerı belsendı bolyp, mūndai jaǧdailardy baqylauda ūstauy kerek. Būl bızdıŋ ortaq mındetımız, - dedı Qazaqstannyŋ Tūŋǧyş Prezidentı. Kezdesu barysynda Jambyl oblysynyŋ äkımı B. Saparbaev, Işkı ıster ministrı E. Tūrǧymbaev jan-jaqty esep berdı. Bırınşı mäselenı talqylau aiasynda ortalyq memlekettık jäne jergılıktı atqaruşy organdarǧa elımızdıŋ öŋırlerındegı, onyŋ ışınde, jūmyspen qamtu jäne infraqūrylymdy damytu, äleumettık obektılerdı qaita qūru salasyndaǧy äleumettık-ekonomikalyq problemalardy şeşuge baǧyttalǧan baǧdarlamalardy odan ärı ıske asyru tapsyryldy. Otyrystyŋ kün tärtıbındegı ekınşı mäsele boiynşa Densaulyq saqtau ministrı Eljan Bırtanov baiandama jasady. Qauıpsızdık Keŋesınıŋ Töraǧasy koronavirusqa qatysty jaǧdai Qytai ekonomikasyna da, Qazaqstan ekonomikasyna da terıs äser etuı mümkın ekenın atap öttı. Bız «qol qusyryp» otyrmauymyz kerek. Barlyq jaǧdaiǧa daiyn bolyp, därı-därmektermen jäne basqa da qajettı resurstarmen qamtamasyz etken jön. Būl mäselenı baqylauda ūstau qajet. Mūndai jaǧdailarda qarsy şaralar atqarqaruǧa daiyn bolyp, syrtqy faktordyŋ ūlttyq ekonomikaǧa terıs äserın boldyrmau qajet », - dedı Nūrsūltan Nazarbaev.