جۋرناليست گۇلجان ەرعاليەۆ قازاق حالقى، ونىڭ ىشىندە بيلىك، ۇكىمەت، قوعام – دۇنعانداردان كەشىرىم سۇراۋى كەرەك دەيدى. بۇل ويىن جۋرناليست الەۋمەتتىك جەلىدەگى پاراقشاسىندا ورتاعا سالدى دەپ حابارلايدى Dalanews.kz.
ونىڭ ايتۋىنشا ارمياندار قاراعاندىدا قازاقتىڭ ولىمىنە سەبەپكەر بولعاندا، ارميان دياسپوراسى كۇللى قازاق حالقىنىڭ الدىندا كەشىرىم سۇراعان. وسى ارقىلى ءوزىنىڭ سانالى، ارلى ۇلت ەكەنىن دالەلدەگەن.
“قازاقتار دۇنعاندارعا قول كوتەرىپ، دۇنيەنى توڭكەرگەن تۇستا، ءبىزدىڭ دەپۋتاتتار دا، بيلىك تە، قوعام دا وسى ءبىر ات توبەلىندەي ۇلتتان كەشىرىم سۇراعان جوق.
بۇل وقيعا قازاقتىڭ سۇيەگىنە تاڭبا.
مۇنى كورگەن بولسا، بابالار نە دەر ەدى؟ قاۋقارسىزعا قول كوتەرمەيتىن اتا-بابالارىمىز بۇگىنگى ۇرپاعى سەكىلدى وزىنەن السىزگە الىمجەتتىك جاساپ، ءۇيىن ورتەپ، ەركەك كىندىكتىسىن تەنتىرەتىپ جىبەرمەس ەدى. كەرىسىنشە، كەشىرىم سۇرار ەدى.
ءجا، بۇلاي جاساۋعا نامىستارىڭ جىبەرمەسە، ەندەشە مەن دايىنمىن.
مەن قازاقستان ازاماتى، گۇلجان ەرعاليەۆا – قازاقستانداعى دۇنعان دياسپوراسىنان كەشىرىم سۇرايمىن. قازا بولعان جاقىن-جۇراعاتىنا قايعىرىپ كوڭىل ايتامىن.
سىزدەردى قورعاي الماعان ءبىزدىڭ بيلىكتىڭ بەيقامدىعى مەن جاۋاپسىزدىعى ءۇشىن كەشىرىم وتىنەمىن. “اقتابان شۇبىرىندىعا” ۇشىراعان دۇنعاندار تراگەدياسىنان كەيىن ەلدە قارالى كۇن جاريالانۋى كەرەك ەدى.
مەملەكەت ءوز تاراپىنان زارداپ شەككەندەرگە وتەماقى تولەپ، وسىناۋ زاڭسىزدىققا جول بەرگەندەرى قاتاڭ جازالاۋى ءتيىس.
بۇدان كەيىن مۇنداي سوراقىلىقتىڭ قايتالانعانىن قالامايمىن. بۇل بارىمىزگە ساباق بولۋى ءتيىس. سىزدەردىڭ قايعىلارىڭىزعا ورتاقپىن”، – دەيدى گۇلجان ەرعاليەۆا.
