Jurnalist Güljan Erǧaliev qazaq halqy, onyŋ ışınde bilık, ükımet, qoǧam – dūnǧandardan keşırım sūrauy kerek deidı. Būl oiyn jurnalist äleumettık jelıdegı paraqşasynda ortaǧa saldy dep habarlaidy Dalanews.kz.
Onyŋ aituynşa armiandar Qaraǧandyda qazaqtyŋ ölımıne sebepker bolǧanda, armian diasporasy küllı qazaq halqynyŋ aldynda keşırım sūraǧan. Osy arqyly özınıŋ sanaly, arly ūlt ekenın däleldegen.
“Qazaqtar dūnǧandarǧa qol köterıp, dünienı töŋkergen tūsta, bızdıŋ deputattar da, bilık te, qoǧam da osy bır at töbelındei ūlttan keşırım sūraǧan joq.
Mūny körgen bolsa, babalar ne der edı? Qauqarsyzǧa qol kötermeitın ata-babalarymyz bügıngı ūrpaǧy sekıldı özınen älsızge älımjettık jasap, üiın örtep, erkek kındıktısın tentıretıp jıbermes edı. Kerısınşe, keşırım sūrar edı.
Jä, būlai jasauǧa namystaryŋ jıbermese, endeşe men daiynmyn.
Sızderdı qorǧai almaǧan bızdıŋ bilıktıŋ beiqamdyǧy men jauapsyzdyǧy üşın keşırım ötınemın. “Aqtaban şūbyryndyǧa” ūşyraǧan dūnǧandar tragediiasynan keiın elde qaraly kün jariialanuy kerek edı.
Memleket öz tarapynan zardap şekkenderge ötemaqy tölep, osynau zaŋsyzdyqqa jol bergenderı qataŋ jazalauy tiıs.
Būdan keiın mūndai soraqylyqtyŋ qaitalanǧanyn qalamaimyn. Būl bärımızge sabaq boluy tiıs. Sızderdıŋ qaiǧylaryŋyzǧa ortaqpyn”, – deidı Güljan Erǧalieva.
Būl oqiǧa qazaqtyŋ süiegıne taŋba.
Men Qazaqstan azamaty, Güljan Erǧalieva – Qazaqstandaǧy dūnǧan diasporasynan keşırım sūraimyn. Qaza bolǧan jaqyn-jūraǧatyna qaiǧyryp köŋıl aitamyn.
