تۇرعىن ءۇي تاۋقىمەتىن تارتقان جالعىزباستى انا ايگۇل سادىقوۆا ءۇش بالاسىمەن بىرگە جىلدار بويى اۋىلداعى عيماراتتىڭ بولمەسىن جالداپ كەلگەن. جۇپىنى لاشىقتى پانالاعان جاندارعا تۇراقتى قامقورلىق كورسەتىپ كەلەتىن قازىعۇرت اۋدانىنىڭ باسشىلىعى بۇل وتباسىنا دەمەۋشى تاۋىپ بەردى. جەرگىلىكتى كاسىپكەر قايىرىمدىلىق جاساپ، مۇمكىندىگى شەكتەۋلى بالا اسىراپ وتىرعان اناعا 4 بولمەلى ءۇي سالىپ بەردى، دەپ حابارلايدى وبلىس اكىمدىگىنىڭ ءباسپاسوز قىزمەتى.
"بولاشاق" مولتەك اۋدانىندا ورنالاسقان جاڭا ءۇي جارىق پەن تابيعي گازبەن قامتىلىپ، اۋىز سۋ جۇيەسى جۇرگىزىلگەن. وڭىردە قارقىن العان "قامقورلىق" جوباسى اياسىندا قازىعۇرت اۋىلىنىڭ كاسىپكەرلەرى جۇمىسسىز انانىڭ جاڭا قونىسىنا ءۇي-جيھازدارىن تارتۋ ەتىپ، ازىق-تۇلىك الىپ بەردى. باسىبايلى باسپانا بۇيىرعان وتباسىنداعى بالالاردىڭ قۋانىشىندا شەك جوق. جىلدار بويعى قيىندىقتان قۇتىلعانىن جانداردىڭ ايتار العىسى ايرىقشا.
تۇركىستان وبلىسىندا جۇزەگە اسىپ جاتقان "قامقورلىق" باعدارلاماسى وزىڭدە باردى وزگەمەن ءبولىسۋ، مۇقتاج، كوڭىلى جارىم جاندارعا قول ۇشىن بەرۋدى مەڭزەيدى. قازىعۇرت اۋدانى بويىنشا 86 وتباسىنا وسى باعدارلاماسى اياسىندا جەتەكشى بەكىتىلىپ، جان-جاقتى كومەك كورسەتىلگەن. جاقسى ىسكە جاناشىر ىزگى نيەتتى، اق تىلەۋلى ازاماتتار الەۋمەتتىك جاعدايى تومەن مۇقتاج جاندارعا تۇرمىسقا قاجەتتى زاتتارىن، كومىر، وتىنىن مولىنان ۇيلەستىرۋدە. اتالعان شاراعا اۋدان، قالا جانە اۋىل اكىمدىكتەرى، "Nur Otan" پارتياسى تۇركىستان وبلىستىق فيليالىنىڭ بەلسەندىلەرى، ءماسليحات دەپۋتاتتارى مەن كاسىپكەرلەر دەمەۋشىلىك جاساپ، اتسالىسىپ جاتىر. جالپى، وبلىس بويىنشا 2 مىڭعا جۋىق وتباسىنا جوبا اياسىندا جان-جاقتى قامقورلىق جاسالماق.
