Jeke käsıpker jalǧyzbasty anaǧa üi salyp berdı

Tūrǧyn üi tauqymetın tartqan jalǧyzbasty ana Aigül Sadyqova üş balasymen bırge jyldar boiy auyldaǧy ǧimarattyŋ bölmesın jaldap kelgen. Jūpyny laşyqty panalaǧan jandarǧa tūraqty qamqorlyq körsetıp keletın Qazyǧūrt audanynyŋ basşylyǧy būl otbasyna demeuşı tauyp berdı. Jergılıktı käsıpker qaiyrymdylyq jasap, mümkındıgı şekteulı bala asyrap otyrǧan anaǧa 4 bölmelı üi salyp berdı, dep habarlaidy oblys äkımdıgınıŋ baspasöz qyzmetı.

"Bolaşaq" möltek audanynda ornalasqan jaŋa üi jaryq pen tabiǧi gazben qamtylyp, auyz su jüiesı jürgızılgen. Öŋırde qarqyn alǧan "Qamqorlyq" jobasy aiasynda Qazyǧūrt auylynyŋ käsıpkerlerı jūmyssyz ananyŋ jaŋa qonysyna üi-jihazdaryn tartu etıp, azyq-tülık alyp berdı. Basybaily baspana būiyrǧan otbasyndaǧy balalardyŋ quanyşynda şek joq. Jyldar boiǧy qiyndyqtan qūtylǧanyn jandardyŋ aitar alǧysy airyqşa. Türkıstan oblysynda jüzege asyp jatqan "Qamqorlyq" baǧdarlamasy özıŋde bardy özgemen bölısu, mūqtaj, köŋılı jarym jandarǧa qol ūşyn berudı meŋzeidı. Qazyǧūrt audany boiynşa 86 otbasyna osy baǧdarlamasy aiasynda jetekşı bekıtılıp, jan-jaqty kömek körsetılgen. Jaqsy ıske janaşyr ızgı niettı, aq tıleulı azamattar äleumettık jaǧdaiy tömen mūqtaj jandarǧa tūrmysqa qajettı zattaryn, kömır, otynyn molynan üilestırude. Atalǧan şaraǧa audan, qala jäne auyl äkımdıkterı, "Nur Otan" partiiasy Türkıstan oblystyq filialynyŋ belsendılerı, mäslihat deputattary men käsıpkerler demeuşılık jasap, atsalysyp jatyr. Jalpy, oblys boiynşa 2 myŋǧa juyq otbasyna joba aiasynda jan-jaqty qamqorlyq jasalmaq.