وتكەن اپتادا ساۋد ارابياسىنىڭ تۋريزم مينيسترلىگى كوروناۆيرۋس اۋرۋلارى كوپ تىركەلگەن ەلدەردىڭ ازاماتتارىنا ۆيزا بەرۋدى توقتاتا تۇرۋ تۋرالى شەشىم قابىلدادى.
«كوروناۆيرۋستىڭ تارالۋىنىڭ الدىن الۋ ماقساتىندا قىتاي، جاپونيا، سينگاپۋر، وڭتۇستىك كورەيا، مالايزيا، يتاليا جانە قازاقستان ازاماتتارىنا تۋريستىك ەلەكتروندى ۆيزالار بەرۋ توقتاتىلدى. سونىمەن بىرگە بۇل ەلدەردىڭ ازاماتتارى ساۋد ارابياسىنىڭ اۋەجايلارىنا كەلگەندە تۋريستىك ۆيزالاردى الا المايدى»، - دەلىنگەن اقپاراتتار تاراپ كەتتى.
ال ەندى بۇگىن وسى جايتقا بايلىنىستى قازاقستان رەسپۋبليكاسى سىرتقى ىستەر مينيسترلىگىنەن تۇسىنىكتەمە بەردى.
سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ
«باق-تاردا تاراعان مالىمەت دۇرىس ەمەس. كوروناۆيرۋس تارالعان ەلدەردىڭ تىزىمىندە 7 مەملەكەت بولدى. راسىندا بۇل شەكتەۋلەر 24 ەلگە قاتىستى بولدى.. ول جەتى ەل ساۋد ارابياسى اۋەجايىنا كەلگەندە عانا ۆيزا الا الاتىن 49 ەلدىڭ تىزىمىندە بار. قالعان 14 ەل بولسا، ۆيزا راسىمدەگەن سوڭ عانا ەلگە كىرە الادى.
مالىمەت دۇرىس تارالمادى. سول سەبەپتى بىزدە دە كوروناۆيرۋس بار سياقتى اقپارات تارالدى»، – دەدى.
ەلىمىزدىڭ باس سانيتارى جانداربەك بەكشيننىڭ ايتۋىنشا شەكتەۋ نەگىزى بارلىق ەلدەرگە ەنگىزىلگەن. بىراق اقپاراتتىڭ دۇرىس تارالماۋىنان تەك جەتى ەلدىڭ اراسىنا قازاقستان دا ەنىپ كەتكەن.
