Ótken aptada Saýd Arabııasynyń Týrızm mınıstrligi koronavırýs aýrýlary kóp tirkelgen elderdiń azamattaryna vıza berýdi toqtata turý týraly sheshim qabyldady.
«Koronavırýstyń taralýynyń aldyn alý maqsatynda Qytaı, Japonııa, Sıngapýr, Ońtústik Koreıa, Malaızııa, Italııa jáne Qazaqstan azamattaryna týrıstik elektrondy vızalar berý toqtatyldy. Sonymen birge bul elderdiń azamattary Saýd Arabııasynyń áýejaılaryna kelgende týrıstik vızalardy ala almaıdy», - delingen aqparattar tarap ketti.
Al endi búgin osy jaıtqa baılynysty Qazaqstan Respýblıkasy Syrtqy ister mınıstrliginen túsinikteme berdi.
Syrtqy ister mınıstriniń birinshi orynbasary Shahrat Nuryshev
«BAQ-tarda taraǵan málimet durys emes. Koronavırýs taralǵan elderdiń tiziminde 7 memleket boldy. Rasynda bul shekteýler 24 elge qatysty boldy.. Ol jeti el Saýd Arabııasy áýejaıyna kelgende ǵana vıza ala alatyn 49 eldiń tiziminde bar. Qalǵan 14 el bolsa, vıza rásimdegen soń ǵana elge kire alady.
Málimet durys taralmady. Sol sebepti bizde de koronavırýs bar sııaqty aqparat taraldy», – dedi.
Elimizdiń bas sanıtary Jandarbek Bekshınniń aıtýynsha shekteý negizi barlyq elderge engizilgen. Biraq aqparattyń durys taralmaýynan tek jeti eldiń arasyna Qazaqstan da enip ketken.