قازاقستاندا قىتايدىڭ 248 ازاماتى كارانتينگە جاتقىزىلدى، - دەپ حابارلايدى Tengrinews.kz تىلشىسى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى.
ونىڭ ايتۋىنشا، 6 قاڭتار - 1 ناۋرىز ارالىعىندا قازاقستانعا قىتايدان 32 456 ادام كەلگەن.
"كەلگەندەردە ۆيرۋس دەڭگەيى جوعارى. ولار 1 "ا" كاتەگورياسىنا جاتاتىندار، ياعني قحر مەن يران ەلدەرىنەن كەلگەندەر. 2020 جىلدىڭ 20 اقپان - 4 ناۋرىز ارالىعىندا قىتايدان كەلگەن بارلىعى 315 ادام وقشاۋلاندى. ولاردىڭ 64-ءى - قازاقستان ازاماتتارى. 251 شەتەلدىك بار، ولاردىڭ 248-ءى - قىتاي ازاماتتارى. يراننان 24 ادام كەلدى. ولاردىڭ 9-ى - قازاقستاندىق، 15-ءى - يراننان كەلگەندەر", - دەدى دياس احمەتشارىپ نۇر-سۇلتاندا وتكەن بريفينگتە.
