ەلىمىزدە ءتورتىنشى ادامنان كورونوۆيرۋس انىقتالدى (ۆيدەو)

411

گەرمانيادان ۇشىپ كەلگەن قازاقستاننىڭ تاعى ءبىر ازاماتىنان كوروناۆيرۋس انىقتالدى، دەپ حابارلايدى قازاقپارات.

بۇل تۋرالى قر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ «اشىق الاڭ» باعدارلاماسىندا ايتتى.

«25 مينۋت بۇرىن بىزگە شۇعىل حابار كەلىپ ءتۇستى. گەرمانيادان كەلگەن ۇشاقتا بولعان 1976 جىلى تۋعان ەر ادامنان كوروناۆيرۋس تابىلىپ، قازىر ول الماتىداعى كوپبەيىندى مەديتسينا ورتالىعىنىڭ ستاتسيونارىندا ەم الىپ جاتىر. وسىلايشا ناۋقاستاردىڭ سانى تورتكە جەتتى. ايتا كەتەيىك، ونىڭ ۇشەۋى گەرمانيادان كەلگەن، قازىر الماتىدا كارانتيندە، ال ءتورتىنشى ەلوردالىق ايەل كۇيەۋىمەن بىرگە يتاليانىڭ ميلان قالاسىنان ۇشىپ كەلدى. ونىڭ جولداسىنان كوروناۆيرۋس تابىلعان جوق»، – دەدى دياس احمەتشارىپ.

ەسكە سالا كەتەيىك، بۇگىن دەنساۋلىق ساقتاۋ ءمينيسترى ەلجان ءبىرتانوۆ قازاقستاندا ەكى ادامنىڭ كوروناۆيرۋس جۇقتىرعانىن جەتكىزگەن ەدى. كەيىننەن ميلان قالاسىنان نۇر-سۇلتانعا كەلگەن تاعى ءبىر قازاقستاندىقتان كوروناۆيرۋس ينفەكتسياسى تابىلدى.

پىكىرلەر