رەسەيدە كوروناۆيرۋس ينفەكتسياسىنىڭ تارالۋىمەن كۇرەس بويىنشا جەدەل شتابى ءبىر تاۋلىكتە كوروناۆيرۋس جۇقتىرۋدىڭ 11 دەرەگى انىقتالعانىن مالىمدەدى، - دەپ حابارلايدى ريا نوۆوستي تىلشىسى.
"سوڭعى تاۋلىكتە رەسەيدە فەدەراتسيا ازاماتتارىنىڭ كوروناۆيرۋس ينفەكتسياسىن جۇقتىرۋدىڭ 11 دەرەگى تىركەلدى: بەسەۋى - ماسكەۋدە، بىرەۋى - ماسكەۋ وبلىسىندا، ۇشەۋى - سانكت-پەتەربۋرگتە، بىرەۋى - لەنينگراد وبلىسىندا، بىرەۋى - پەرم ولكەسىندە", - دەلىنگەن حابارلامادا.
ددۇ 11 ناۋرىزدا الەمدەگى جاڭا كوروناۆيرۋستىڭ پاندەمياسىن جاريالادى. قحر دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتى 12 ناۋرىزدا ەلىمىزدە ىندەتتىڭ شىڭى ءجۇرىپ وتكەنىن جاريالادى. قازىرگى ۋاقىتتا قىتايدا 3189 ادام سىرقاتتانىپ، 65,5 مىڭنان استام پاتسيەنت ساۋىعىپ كەتكەن. قازاقستاندا بۇگىنگى كۇنى كوروناۆيرۋستى جۇقتىرۋدىڭ ءتورت وقيعاسى راستالدى.
