قالالاردا تىكۇشاقپەن ءدارى-دارمەك سەبىلەدى مە؟ WhatsApp-حابارلاما

2828
Adyrna.kz Telegram
https://adyrna.kz/content/uploads/2020/03/vertolet.jpeg
بۇگىن ەلوردادا دەزينفەكتسيا جۇرگىزۋ ءۇشىن تۇنگى ۋاقىتتا ءدارى-دارمەكتەر سەبىلەتىنى تۋرالى حابارلاما راستالماعان بولىپ شىقتى. بۇل تۋرالى نۇر-سۇلتان اكىمدىگىنىڭ ءباسپاسوز قىزمەتىندەگىلەر ايتتى، - دەپ حابارلايدى Tengrinews.kz.
ەلوردا تۇرعىندارى WhatsApp مەسسەندجەرىندە وسىنداي حابارلامالار الا باستاعان.
"بۇگىن ساعات 23.00 مەن تاڭعى 5.00 ارالىعىندا قالادا دەزينفەكتسيا جۇرگىزۋ ءۇشىن تىكۇشاقتان ءدارى-دارمەكتەر سەبىلەدى. بارلىق تەرەزە مەن بالكون جابىق بولۋى ءتيىس، ساعات 23.00-دەن كەيىن دالاعا شىعۋعا بولمايدى. اسكەري بولىمدەگىلەر وسىلاي دەدى", - دەلىنگەن حابارلامادا.
ايتا كەتەيىك، سوڭعى رەسمي دەرەكتەر بويىنشا قازاقستاندا كوروناۆيرۋس جۇقتىرعانداردىڭ سانى 27 ادامعا جەتتى.
پىكىرلەر