ۇلتتىق بانك پەن KASE تەڭگە باعامى تۋرالى مالىمدەمە جاسادى.
حابارلامادا وتكەن تاۋلىكتە جاھاندىق قارجى نارىقتارىنداعى جاعداي ايتارلىقتاي قۇبىلعان.
وسى جاعدايلاردا ىشكى ۆاليۋتا نارىعىنا سىرتقى فاكتورلاردىڭ تۇراقسىزداندىراتىن اسەرىن شەكتەۋ ءۇشىن جانە قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋگە جاردەمدەسۋ ماقساتىندا ۇلتتىق بانك "قازاقستان قور بيرجاسى" اق-مەن بىرلەسىپ، فرانكفۋرت اۋكتسيونى نىسانىندا 2020 جىلعى 19 جانە 20 ناۋرىزدا تەڭگە-دوللار ۆاليۋتالىق جۇبى بويىنشا ساۋدا-ساتتىق وتكىزۋ تۋرالى شەشىم قابىلدادى. فرانكفۋرت اۋكتسيونى تۇرىندەگى ساۋدا-ساتتىق وتكىزۋ تۋرالى شەشىم كليەنتتەردىڭ ءوتىنىشىن قاناعاتتاندىرۋعا جانە ۆاليۋتا نارىعىنداعى جاعدايدىڭ تۇراقسىزدىعىنا جول بەرمەۋگە مۇمكىندىك بەرەدى", - دەلىنگەن حابارلامادا.
ساۋدا-ساتتىقتىڭ ودان ءارى رەجيمى تۋرالى اقپارات كەيىنىرەك بەرىلەدى.
بۇعان دەيىن نۇر-سۇلتان مەن الماتىنىڭ ايىرباستاۋ ورىندارىنىڭ كوپشىلىگى دوللار ساتۋدان باس تارتقانى حابارلانعان. كەيبىر ۆاليۋتا ايىرباستاۋ ورىندارىندا ءبىر دوللارعا 482 تەڭگە باعاسىن بەلگىلەگە بولاتىن.
