مەن الەمنىڭ تۇكپىر-تۇكپىرىندە تۇراتىن دوستارىما جازىپ وتىرمىن. قازىر ءۇش اي بولدى ءبىز كارانتيندەمىز. الدىمەن بارلىق بالاباقشالاردى، مەكتەپتەردى جاۋىپ تاستادى. سودان كەيىن ەكى رەت مەرەكە كەزىندە، اق ايدا جانە 8 ناۋرىزدا استاناعا كىرۋ-شىعۋدى جاپتى. سودان كەيىن ۆيرۋس جۇقتىرعان فرانتسۋز ادام كەلگەندە، ءبىر اپتا بويى بارلىق كەڭسەلەردى، مەكەمەلەردى، قوعامدىق تاماقتانۋ ورىندارى مەن دۇكەندەردى جاۋىپ تاستادى. مەكتەپتەر مەن بالاباقشالار 30 ساۋىرگە دەيىن كارانتيندە بولادى. بالالار تەلەديدار مەن ونلاين جولمەن وقىپ جاتىر.
وزدەرى ءۇشىن دە، بۇكىل الەم ءۇشىن دە موڭعولدار زاڭعا باعىناتىن، ءبىرتۇتاس جانە الەۋمەتتىك جاۋاپكەرشىلىككە يە بولۋىمەن تاڭقالدىردى. كوشەدە، دۇكەندەردە، مەكەمەلەردىڭ بارلىعىندا - بارلىعى ماسكامەن ءجۇر.
ونسىز ەش جەردە قىزمەت كورسەتىلمەيدى. مەملەكەت قىزمەتكەرلەرى دە وتىرىستاردا ماسكامەن وتىرادى، تەلەديدار ديكتورلارى، ساتۋشىلار جانە ت.ب. - بارلىعى ماسكالاردا. ودان نە شىقتى؟ موڭعوليادا، قىتايمەن كورشىلەس بولعانىنا قاراماستان - بىردە-ءبىر ناۋقاس جوق! ۆيرۋس جۇقتىرعان 10 ادام تىركەلدى، ولاردىڭ بارلىعى شەتەلدەن كەلگەندەر. مۇندا ۆيرۋس جۇقتىرعاندارمەن بايلانىسقانداردى قاتاڭ باقىلاپ، وقشاۋلايدى، جانە مۇنداي ناۋقاستارمەن بىرگە ۇشىپ كەلگەن بارلىق جولاۋشىلار دا وقشاۋلانعان. جۇقپالى اۋرۋلار اۋرۋحاناسىندا دارىگەرلەر جۇقتىرعانداردىڭ ءومىرى ءۇشىن تاۋلىك بويى كۇرەسۋدە، ازىرگە ءبىر دە ءبىر ءولىم ناتيجەسى بولعان جوق، كوبىسى ەمدەلىپ شىقتى. موڭعوليا ۇكىمەتىنە، دارىگەرلەرگە جانە ەلوردا تۇرعىندارىنا مىڭ تاعزىم!
كارانتيننىڭ، ءبىر جاعىنان، جاعىمدى جاقتارى دا بار:
1) ازىرگە جەرگىلىكتى تۇرعىنداردان ءبىر دە ءبىر ادام جۇقتىرعان جوق.
2) پەدياتريالىق پاتسيەنتتەردىڭ سانى كۇرت ازايدى - ەگەر بۇرىن اۋرۋ ادامدارعا ارنالعان توسەك جەتكىلىكسىز بولسا (800 كەرەۋەت) جانە بالالار اۋرۋحانالاردىڭ دالىزدەرىنە ورنالاستىرىلعان بولسا، قازىر ناۋقاس بالالارعا ارنالعان كەرۋەتتەردىڭ جارتىسى بوس.
3) حالىق يممۋنيتەتتى كۇشەيتۋ ءۇشىن پايدالى تاماقتانۋعا كوبىرەك كوڭىل بولە باستادى: تەڭىز شىرعاناعىنان جاسالعان سۋسىن، ءزىمبىر قوسىلعان بال، جىلقىنىڭ ەتىن جەپ، ليمونمەن ىستىق شاي ءىشۋ، ت.س.س. دۇرىس تاماقتانۋ مادەنيەتىندە ساۋاتتى بولا باستادى.
4) قىلمىستىق، زاڭ جانە جول ەرەجەلەرىن بۇزۋ، ماس كۇيىندەگى بۇزۋشىلىقتار كۇرت ازايدى.
5) شىڭعىس حان بيلىك ەتكەن ۋاقىتتان بەرى حالىقتىڭ گەنىندە بار موڭعولداردىڭ تارتىپتىلىگى، بىرلىگى مەن ءوزارا كومەكتەسۋى وسى كارانتيندىك 3 ايدىڭ ىشىندە مىنەز-قۇلىقتارىنان ايقىن كورىندى. بۇل بۇكىل الەمنىڭ قىزىعۋشىلىعىن وياتتى. كوپتەگەن جۋرناليستەر مەن عالىمدار بۇل قۇبىلىستى زەرتتەپ، نەگە جەرگىلىكتى تۇرعىندار اۋىرمايتىندىعىن ءارى ونىڭ قۇپياسىنىڭ نەدە ەكەنىن ءتۇسىنۋ ءۇشىن ەلگە كەلدى.
6) حالىق ۇنەمى ريزا بولمايتىن ءوز ۇكىمەتى مەن دارىگەرلەرىنىڭ جۇمىسىن جوعارى باعالاي باستادى. ولار ارقاشان ءوز حالقى ءۇشىن كۇندىز-ءتۇنى بىرگە جۇمىس ىستەپ جاتىر. جۇزدەگەن ازاماتتارى شەتەلدە قالىپ قويعان ازاماتتارىن ارنايى رەيستەرمەن اكەلىپ جاتىر. اۋەجايلارى جابىلىپ قالسا دا، ولاردى قيىن جاعدايدا قالدىرمادى.
7) ۇكىمەت دۇكەندەردەگى ازىق-تۇلىك ونىمدەرىنىڭ باعاسىن قاتاڭ قاداعالاپ وتىر: باسقالارعا ۇلگى بولۋى ءۇشىن ەت باعاسىن كوتەرگەنى ءۇشىن ەڭ كوپ تۇتىنۋشىسى بار 2 سۋپەرماركەتكە 20 ميلليون تۋكريك ايىپپۇلى سالىندى.
8) كەز كەلگەن قيىنشىلىق ادامدار اراسىندا ءار ءتۇرلى رەاكتسيالار تۋعىزادى. موڭعولياداعى كارانتين وتباسىلاردى جاقىنداستىردى. بوس ۋاقىتتارى كوپ بولعاندىقتان، اتا-انالار بالالارمەن ءۇي جۇمىسىن جاسايدى. ولارعا كوبىرەك كوڭىل بولەدى، قامقورلىق جاسايدى، يممۋنيتەتتەرىن كۇشەيتەدى. ال قارت اتا-انالارى وزدەرىنەن قاراعاندا، تەز جۇقتىرىپ الۋى مۇمكىندىگىن ءبىلىپ، ولار تاماقپەن، دارۋمەندەرمەن قامتاماسىز ەتەدى، ۇنەمى نازاردا جانە ۇنەمى قامقورلىقتا بولادى. موڭعولدار - ۇلكەندەردى قۇرمەتتەيتىن حالىق - مۇنى كوپشىلىك، اسىرەسە ەۋروپالىقتار ۇيرەنۋى كەرەك.
مەنىڭ ويىمشا، مەنىڭ دوستارىم دا بايقاۋ ءۇشىن اكەلگەن نەگىزگى فاكتىلەر مەن باقىلاۋلار وسىلاي: ماسكا كيىپ، ادامدارمەن جاقىن بايلانىس جاساماڭىز، يممۋنيتەتتى نىعايتۋ ءۇشىن جاقسى تاماقتانىڭىز، گيگيەنا ساقتاڭىز جانە قاجەتتىلىكسىز دالاعا شىقپاڭىز. ءبىز ساۋ بولامىز، اللا ساقتاسىن!
روزاليا انتونوۆا
