ۋا، تۇركىستان وبلىسىنىڭ اكىمدىگى بۇل اقشا جىمقىرۋدىڭ جولى ما؟

824

ءدال وسى ەكىنشى وقيعام جەتىساي جاقتان ەستىپ جاتقان!

تۇسىنىكسىز جاعداي ورىن الىپ جاتىر.

ال، دوستار، مىنا فەيسبۋك الەمىنىڭ يگى جاقسىلارى. جاپپاي حالىققا كەلىپ جاتقان مىنا كوروناۆيرۋس دەگەنگە سەنبەيىن دەسەڭ سەنەتىندەي، سەنەيىن دەسەڭ سەنبەيتىندەي نەشە ءتۇرلى جاعدايلار ورىن الىپ جاتقانىن سىرتتاي وقىپ، جاڭالىقتاردان كورىپ قانا جۇرگەن جايىم بار ەدى. بىراق بۇگىن ەكى كەشتىڭ اراسىندا كوروناۆيرۋسقا قاتىستى ورىن العان وقىس جايت توبەمىزدەن تۇسكەندەي جاعامىزدى ۇستاتتى.
ءبىز تۇركىستان وبلىسى، جەتىساي اۋدانىنىڭ اتامەكەن اۋىل اكىمشىلىگىندەگى شاعىن عانا اۋىلىندا تۇرامىز. ياعني، قيىر وڭتۇستىكتەنبىز.كەشكىلىك اياق استىنان ءىنىمدى ىزدەپ اۋىلدىق فەلدشەرلىك پۋنكتتىڭ مەدسەستراسى حابارلاستى. "تىنىشتىق پا؟" دەگەن سۇراققا ء"ىنىڭىز ەركىندى وبلىستان ىزدەپ جاتىر ەكەن، قازىر اۋداندىق سەس تەن ادامدار كەلە جاتىر " دەدى. انە-مىنە دەگەنشە جەتىساي اۋدانىنىڭ سەس قىزمەتكەرى ەپيدەميولوگ باس مامان زۋليەۆ سارسەنبەك دەگەن كىسى (قاسىندا ءبىر مەدقىزمەتكەرى بار) جانە اكىمشىلىكتەگى امبۋلاتوريالىق ورتالىقتىڭ باس دارىگەرى قازىحانوۆ ساپاربەك، دارىگەر باتمانوۆا روزا بار، بارلىعى كەلىپ ءىنىمدى الىپ كەتۋگە وبلىستىق دەنساۋلىق ساقتاۋ دەپارتامەنتى مە، دەنساۋلىق ساقتاۋ باسقارماسى ما، الدە كوروناۆيرۋسقا بايلانىستى شتاب ورتالىعى ما (تۇسىنە المادىم) سول جاقتان ءىنىمنىڭ داننىيلارى جازىلعان بۇيرىق كەلگەنىن، ءىنىمنىڭ "الماتى-اتىراۋ" باعىتىنداعى پوەزدا كوروناۆيرۋس جۇقتىرعان ناۋقاسپەن بىرگە كەلگەندىگىن، سوندىقتان ونى وقشاۋلاۋ ورتالىعىنا الىپ كەتەتىندىگىن ايتقاندا ءبىز ەشتەڭە ەمەس، كورشى كولەمگە دەيىن شوك بولدىق!
قالايشا دەيسىز بە؟ ماسەلەنىڭ ءمانى وسىدا بولىپ تۇر. مەنىڭ ءىنىم ماۋسىم ايىندا 10-15 كۇندەي الماتىعا ءبىر شارۋالارىمەن بارىپ قايتقان. وندا دا جەتىساي- الماتى باعىتىنداعى اۆتوبۋسپەن. ودان كەيىن ەشقايدا شىقپاعان. ودان بەرى ون ايدىڭ كولەمى بولدى. ۇيدە تەك مالعا قاراپ، ەگىنشىلىكپەن اينالىساتىن ادام سول. الماتى تۇگىلى مىناۋ تۇرعان جەتىسايعا شىعۋى ەكىتالاي. اۋداندىق سەس قىزمەتكەرى زۋليەۆ سارسەنبەككە "بۇل قالاي بولعانى، قانداي نەگىزدەمەگە سۇيەنىپ كەپ تۇرسىزدار، ناقتى قاي كۇنى، قاي ساعاتتا جۇرگەن پوەزدا كەلگەن؟" دەگەن سۇراعىمىزعا جاۋاپ بەرە المادى. بار بىتىرگەن شارۋاسى "مەن مىنا بالانىڭ اۋىلدان شىقپاعان ەكەنىنە سەنىڭ تۇرمىن، بىراق جوعارىداعىلار سەنبەيدى. مەن بۇيرىقتى ورىنداۋشىمىن، دەگەنمەن، كومەگىم بولسىن كورشىلەرىڭىزدى شاقىرىپ ءتىلحات الايىن، وبلىسقا جىبەرەمىن " دەدى. جان- جاقتان كورشىلەردى شاقىرتىپ سۇرادى بولماعان سوڭ. ءىنىمنىڭ اۋىلدان شىقپاعانىن بۇكىل اۋىل بىلەدى دەسەم ارتىق ايتقاندىق ەمەس. الاقانداي اۋىل عوي. كوكتەمگى ەگىس ناۋقانى قايناعان كەز. الماتى-اتىراۋ پوەزدىنا الماتىعا بارىپ مىنبەك تۇگىلى تاڭدا كەتكەننەن كەشكە زورعا جەتەدى ءوز ۇيىنە. ايتقانىمىزعا كونبەي جەتىساي اۋداندىق سەس قىزمەتكەرى شاقىرعان جەدەل جاردەم كولىگىمەن شاردارا قالاسىنداعى وقشاۋلاۋ ورتالىعىنا الىپ كەتتى ىقتيارسىز. بۇل قالاي بولعانى سوندا دەپ ءبىز قالدىق.
ءىنىم ون ايدىڭ كولەمىندە ەشقايدا شىقپاعان، ەشقاشان پاسپورت جوعالتپاعان. تەمىر جول بيلەتتەرى وريگينال پاسپورتسىز قالاي بەرىلەدى؟ پوەزدعا مىنگەندە نەگە تەكسەرىلمەيدى؟ جاۋاپ جوق.
"كارانتين باستالعاننان كەيىن مىنگەن پوەزدعا" دەيدى الىپ كەتۋگە كەلگەندەر. اينالايىندار اۋ، كارانتين كەشە 16.03. نەن باستالسا، بۇل بالا ون ايدىڭ ىشىندە ەشقايدا شىقپاعان عوي. كەلگەن سەس قىزمەتكەرى بالا مىنگەن پوەزدىڭ ناقتى كۇنى، ساعاتىن ايت دەسەك، وبلىستىڭ بۇيرىعى دەگەننەن باسقا ەشتەڭە ايتا دا، كورسەتە دە المادى. بۇعان كىم جاۋاپ بەرەدى؟ بىلەتىندەرىڭىز بار ما؟ ايدالادا، توعىز جولدىڭ تورابى دا ەمەس ءبىر شەتتەگى، شالعاي اۋىلدا ءوز بەتىنشە جۇرگەن ادامدى (الماتى، استانادا جۇمىس ىستەگەن بولسا دا مەيلى دەر ەدىك) ءدال مىنادان كەيىن كوروناۆيرۋس بار دەگەنگە سەنۋدىڭ ءوزى قيىن سياقتى. ەشقانداي نەگىزسىز، ەشقانداي ناقتى دالەلسىز ادامدى الىپ كەتۋ دەگەنگە تۇسىنە المادىم. الدە ۇكىمەتتەن ءبولىنىپ جاتقان ميلليوندار مەن ميللياردتاردى "ىسكە اسىرۋ" جولىنداعى "پلانوۆىي" كوزبوياۋشىلىق پا؟
نۇرسۇلتان-جەتىساي باعىتىنداعى اۆتوبۋستىڭ جىرى كەشە ايتىلىپ جاتتى. قايدا توقتاعانى، قاي جەردەن قانشا ادام تۇسكەنى ت.ب بارلىعى وسى جەلىدە جازىلدى. ەگەر شىنىمەن "الماتى-اتىراۋ" باعىتىنداعى پوەزد بولسا، وندا كوروناۆيرۋسپەن اۋىرعان ناۋقاس كەلسە، اتى ءجونىن ايتپاسا دا نەگە الماتى جەتىساي باعىتىنداعى اۆتوبۋس سياقتى جالپىلاما اقپارات بەرىلمەيدى؟
قر دەنساۋلىق ساقتاۋ مينيستىرلىگى، تۇركىستان وبلىستىق دەنساۋلىق ساقتاۋ باسقارماسى دەپارتامەنت ت.ب تەگتەلمەي جاتىر. دوستار، بىلەتىندەر بولسا تەگتەپ جىبەرىڭىزدەرشى، ءوتىنىش.

ايگۇل ورىنبەكتىڭ فب پاراقشاسىنان

پىكىرلەر
رەداكتسيا تاڭداۋى