Dál osy ekinshi oqıǵam Jetisaı jaqtan estip jatqan!
Túsiniksiz jaǵdaı oryn alyp jatyr.
Al, dostar, myna feısbýk áleminiń ıgi jaqsylary. Jappaı halyqqa kelip jatqan myna koronavırýs degenge senbeıin deseń senetindeı, seneıin deseń senbeıtindeı neshe túrli jaǵdaılar oryn alyp jatqanyn syrttaı oqyp, jańalyqtardan kórip qana júrgen jaıym bar edi. Biraq búgin eki keshtiń arasynda koronavırýsqa qatysty oryn alǵan oqys jaıt tóbemizden túskendeı jaǵamyzdy ustatty.
Biz Túrkistan oblysy, Jetisaı aýdanynyń Atameken aýyl ákimshiligindegi shaǵyn ǵana aýylynda turamyz. Iaǵnı, qıyr ońtústiktenbiz.Keshkilik aıaq astynan inimdi izdep aýyldyq feldsherlik pýnkttiń medsestrasy habarlasty. "Tynyshtyq pa?" degen suraqqa "inińiz Erkindi oblystan izdep jatyr eken, qazir aýdandyq SES ten adamdar kele jatyr " dedi. Áne-mine degenshe Jetisaı aýdanynyń SES qyzmetkeri epıdemıolog bas maman Zýlıev Sársenbek degen kisi (qasynda bir medqyzmetkeri bar) jáne ákimshiliktegi ambýlatorııalyq ortalyqtyń bas dárigeri Qazyhanov Saparbek, dáriger Batmanova Roza bar, barlyǵy kelip inimdi alyp ketýge oblystyq densaýlyq saqtaý departamenti me, densaýlyq saqtaý basqarmasy ma, álde koronavırýsqa baılanysty shtab ortalyǵy ma (túsine almadym) sol jaqtan inimniń dannyılary jazylǵan buıryq kelgenin, inimniń "Almaty-Atyraý" baǵytyndaǵy poezda koronavırýs juqtyrǵan naýqaspen birge kelgendigin, sondyqtan ony oqshaýlaý ortalyǵyna alyp ketetindigin aıtqanda biz eshteńe emes, kórshi kólemge deıin shok boldyq!
Qalaısha deısiz be? Máseleniń máni osyda bolyp tur. Meniń inim maýsym aıynda 10-15 kúndeı Almatyǵa bir sharýalarymen baryp qaıtqan. Onda da Jetisaı- Almaty baǵytyndaǵy avtobýspen. Odan keıin eshqaıda shyqpaǵan. Odan beri on aıdyń kólemi boldy. Úıde tek malǵa qarap, eginshilikpen aınalysatyn adam sol. Almaty túgili mynaý turǵan Jetisaıǵa shyǵýy ekitalaı. Aýdandyq SES qyzmetkeri Zýlıev Sársenbekke "bul qalaı bolǵany, qandaı negizdemege súıenip kep tursyzdar, naqty qaı kúni, qaı saǵatta júrgen poezda kelgen?" degen suraǵymyzǵa jaýap bere almady. Bar bitirgen sharýasy "men myna balanyń aýyldan shyqpaǵan ekenine seniń turmyn, biraq joǵarydaǵylar senbeıdi. Men buıryqty oryndaýshymyn, degenmen, kómegim bolsyn kórshilerińizdi shaqyryp tilhat alaıyn, oblysqa jiberemin " dedi. Jan- jaqtan kórshilerdi shaqyrtyp surady bolmaǵan soń. Inimniń aýyldan shyqpaǵanyn búkil aýyl biledi desem artyq aıtqandyq emes. Alaqandaı aýyl ǵoı. Kóktemgi egis naýqany qaınaǵan kez. Almaty-Atyraý poezdyna Almatyǵa baryp minbek túgili tańda ketkennen keshke zorǵa jetedi óz úıine. Aıtqanymyzǵa kónbeı Jetisaı aýdandyq SES qyzmetkeri shaqyrǵan jedel járdem kóligimen Shardara qalasyndaǵy oqshaýlaý ortalyǵyna alyp ketti yqtııarsyz. Bul qalaı bolǵany sonda dep biz qaldyq.
Inim on aıdyń kóleminde eshqaıda shyqpaǵan, eshqashan pasport joǵaltpaǵan. Temir jol bıletteri orıgınal pasportsyz qalaı beriledi? Poezdǵa mingende nege tekserilmeıdi? Jaýap joq.
"Karantın bastalǵannan keıin mingen poezdǵa" deıdi alyp ketýge kelgender. Aınalaıyndar aý, karantın keshe 16.03. nen bastalsa, bul bala on aıdyń ishinde eshqaıda shyqpaǵan ǵoı. Kelgen SES qyzmetkeri bala mingen poezdyń naqty kúni, saǵatyn aıt desek, oblystyń buıryǵy degennen basqa eshteńe aıta da, kórsete de almady. Buǵan kim jaýap beredi? Biletinderińiz bar ma? Aıdalada, toǵyz joldyń toraby da emes bir shettegi, shalǵaı aýylda óz betinshe júrgen adamdy (Almaty, Astanada jumys istegen bolsa da meıli der edik) Dál mynadan keıin koronavırýs bar degenge senýdiń ózi qıyn sııaqty. Eshqandaı negizsiz, eshqandaı naqty dálelsiz adamdy alyp ketý degenge túsine almadym. Álde úkimetten bólinip jatqan mıllıondar men mıllıardtardy "iske asyrý" jolyndaǵy "planovyı" kózboıaýshylyq pa?
Nursultan-Jetisaı baǵytyndaǵy avtobýstyń jyry keshe aıtylyp jatty. Qaıda toqtaǵany, qaı jerden qansha adam túskeni t.b barlyǵy osy jelide jazyldy. Eger shynymen "Almaty-Atyraý" baǵytyndaǵy poezd bolsa, onda koronavırýspen aýyrǵan naýqas kelse, aty jónin aıtpasa da nege Almaty Jetisaı baǵytyndaǵy avtobýs sııaqty jalpylama aqparat berilmeıdi?
QR densaýlyq saqtaý mınıstirligi, Túrkistan oblystyq densaýlyq saqtaý basqarmasy departament t.b tegtelmeı jatyr. Dostar, biletinder bolsa tegtep jiberińizdershi, ótinish.
Aıgúl Orynbektiń Fb paraqshasynan
