شىمكەنتتەگى بلوك بەكەتتەردە ىستىق تاماق بەرىلۋدە

شىمكەنت قالاسى اۋماعىنداعى بلوك بەكەتتەردە تۇرعان قىزمەتكەرلەرگە ءۇش مەزگىل ىستىق تاماق جەتكىزىلۋدە.

مۇنداعى پوليتسەيلەر مەن اسكەريلەرگە جانە مەديتسينا ماماندارىنا جەرگىلىكتى كاسىپكەرلەر مەن ەرىكتىلەر قولداۋ ءبىلدىرىپ، اس-اۋقات جەتكىزىپ، تەگىن تاراتۋدا. قالا اۋماعىندا كارانتيتنگە جابىلعان اۋماقتاردا كەزەكشىلىكتەگى ازاماتتارعا اس اپارعان ەرىكتىلەر:

– توتەنشە جاعدايدىڭ جاۋاپكەرشىلىگىن جاقسى تۇسىنەمىز. سوندىقتان شەكتەۋلەردى ساقتاپ، ءبىر-ءبىرىمىزدى قولداپ، بىرلەسە ەڭبەك ەتكەندە عانا دەرتتى اۋىزدىقتاي الامىز، دەيدى.

بۇگىندە قالا اۋماعىندا 669 قىزمەتكەر جۇمىلدىرىلعان 18 بلوك بەكەت تاۋلىك بويى جۇمىس ىستەپ تۇر. 3 اۋىسىممەن قىزمەت ەتەتىن پوستتارعا  237 پوليتسيا قىزمەتكەرى، 168 قارۋلى كۇشتەر، 60 ۇلتتىق ۇلان ساربازدار مەن  204 مەديتسينا مامانى بار.

سانيتارلىق نورمالار بويىنشا جۇمىس ىستەيتىن ماماندار تۇراتىن اۋماق ءجيى-ءجيى زالالسىزداندىرىلىپ، بەينە كامەرالارمەن جانە اۋەدەن باقىلايتىن دروندارمەن قامتىلعان.

بەكەتتەردە ترانزيتتىك كولىكتەر مەن ولاردىڭ جۇرگىزۋشىلەرىن تەكسەرۋ قاتاڭ باقىلاۋعا الىنعان.