Şymkenttegı blok beketterde ystyq tamaq berılude

Şymkent qalasy aumaǧyndaǧy blok beketterde tūrǧan qyzmetkerlerge üş mezgıl ystyq tamaq jetkızılude. Mūndaǧy poliseiler men äskerilerge jäne medisina mamandaryna jergılıktı käsıpkerler men erıktıler qoldau bıldırıp, as-auqat jetkızıp, tegın taratuda. Qala aumaǧynda karantitnge jabylǧan aumaqtarda kezekşılıktegı azamattarǧa as aparǧan erıktıler: – Tötenşe jaǧdaidyŋ jauapkerşılıgın jaqsy tüsınemız. Sondyqtan şekteulerdı saqtap, bır-bırımızdı qoldap, bırlese eŋbek etkende ǧana derttı auyzdyqtai alamyz, deidı. Bügınde qala aumaǧynda 669 qyzmetker jūmyldyrylǧan 18 blok beket täulık boiy jūmys ıstep tūr. 3 auysymmen qyzmet etetın posttarǧa  237 polisiia qyzmetkerı, 168 qaruly küşter, 60 Ūlttyq ūlan sarbazdar men  204 medisina mamany bar. Sanitarlyq normalar boiynşa jūmys ısteitın mamandar tūratyn aumaq jiı-jiı zalalsyzdandyrylyp, beine kameralarmen jäne äueden baqylaityn drondarmen qamtylǧan. Beketterde tranzittık kölıkter men olardyŋ jürgızuşılerın tekseru qataŋ baqylauǧa alynǧan.