فەرمەرلەرگە بلوكبەكەتتەر ارقىلى ەركىن وتۋگە رۇقسات بەرىلدى

قازاقستاندىق فەرمەرلەر ەندى بارلىق قۇجاتى بولعان جاعدايدا بلوكبەكەتتەر ارقىلى ەركىن وتە الادى. ءتيىستى وزگەرتۋلەر "كارانتيندىك شارالاردى كۇشەيتۋ تۋرالى" قازاقستان رەسپۋبليكاسىنىڭ باس مەملەكەتتىك سانيتاريا دارىگەرىنىڭ 2020 جىلعى 14 ساۋىردەگى №33-پگۆر قاۋلىسىندا كورسەتىلگەن، - دەپ حابارلايدى Tengrinews.kz . وڭىرلەردە كوروناۆيرۋس ينفەكتسياسى (بۇدان ءارى – COVID-19) بويىنشا ەپيدەميولوگيالىق جاعدايدىڭ اسقىنۋىنا بايلانىستى ايجان ەسماعامبەتوۆا مىناداي قاۋلى شىعاردى: №33-پگۆر قاۋلىسىنىڭ 1-تارماعى 14-تارماقشاسى مىناداي رەداكتسيادا جازىلسىن: "وبلىستىڭ، قالالاردىڭ، اۋدانداردىڭ، اۋىلدىق ايماقتاردىڭ ىشىندە كوكتەمگى دالا جۇمىستارىن، تابيعاتتى قورعاۋ، ۆەتەريناريالىق، اۋىل شارۋاشىلىعى ءىس-شارالارىن جۇرگىزۋگە، سونداي-اق راستايتىن مەملەكەتتىك تىركەۋ كۋالىگىن (شارۋا قوجالىعى، فەرمەرلىك شارۋاشىلىق، جاۋاپكەرشىلىگى شەكتەۋلى سەرىكتەستىك، اۋىل شارۋاشىلىعى تاۋارىن ءوندىرۋشى، كرەديتتىك سەرىكتەستىك جانە شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورىن), جەكە كۋالىكتى، سونداي-اق جۇمىسكەرلەر ءۇشىن جۇمىس ورنىنا انىقتامانى (مورمەن كۋالاندىرىلعان ەركىن ۇلگىدەگى انىقتاما) ۇسىنعان كەزدە ارا شارۋاشىلىعىندا تارتىلعان ادامداردىڭ كولىكتەرىن قوسپاعاندا، جەكە كولىكتىڭ قوزعالىسىن شەكتەۋدى", - دەلىنگەن قۇجاتتا. وسى قاۋلىنىڭ ورىندالۋىن باقىلاۋدى ايجان ەسماعامبەتوۆا وزىنە قالدىردى. قاۋلى قول قويىلعان كۇننەن باستاپ كۇشىنە ەنەدى.