Suret: elements.envato.com
Qazaqstandyq fermerler endı barlyq qūjaty bolǧan jaǧdaida blokbeketter arqyly erkın öte alady. Tiıstı özgertuler "Karantindık şaralardy küşeitu turaly" Qazaqstan Respublikasynyŋ Bas memlekettık sanitariia därıgerınıŋ 2020 jylǧy 14 säuırdegı №33-PGVr qaulysynda körsetılgen, - dep habarlaidy Tengrinews.kz .
Öŋırlerde koronavirus infeksiiasy (būdan ärı – COVID-19) boiynşa epidemiologiialyq jaǧdaidyŋ asqynuyna bailanysty Aijan Esmaǧambetova mynadai qauly şyǧardy:
№33-PGVr qaulysynyŋ 1-tarmaǧy 14-tarmaqşasy mynadai redaksiiada jazylsyn:
"Oblystyŋ, qalalardyŋ, audandardyŋ, auyldyq aimaqtardyŋ ışınde köktemgı dala jūmystaryn, tabiǧatty qorǧau, veterinariialyq, auyl şaruaşylyǧy ıs-şaralaryn jürgızuge, sondai-aq rastaityn memlekettık tırkeu kuälıgın (şarua qojalyǧy, fermerlık şaruaşylyq, jauapkerşılıgı şekteulı serıktestık, auyl şaruaşylyǧy tauaryn öndıruşı, kredittık serıktestık jäne şaruaşylyq jürgızu qūqyǧyndaǧy memlekettık kommunaldyq käsıporyn), jeke kuälıktı, sondai-aq jūmyskerler üşın jūmys ornyna anyqtamany (mörmen kuälandyrylǧan erkın ülgıdegı anyqtama) ūsynǧan kezde ara şaruaşylyǧynda tartylǧan adamdardyŋ kölıkterın qospaǧanda, jeke kölıktıŋ qozǧalysyn şekteudı", - delıngen qūjatta.
Osy qaulynyŋ oryndaluyn baqylaudy Aijan Esmaǧambetova özıne qaldyrdy.
Qauly qol qoiylǧan künnen bastap küşıne enedı.
