قىتايدىڭ ۋحان قالاسىنداعى كوروناۆيرۋستان قازا بولعانداردىڭ سانى ەپيدەميا كەزىندە باستاپقىدا ايتىلعان 1.300 ادامنان بىرنەشە ەسە كوپ بولعان.
بۇنى قىتاي بيلىگى "بۇل دەرتتىڭ قۇرباندار سانىن جاسىرۋ ءۇشىن ايتىلعان مالىمەت ەمەس، ەپيدەميانىڭ العاشقى كۇندەرىنىڭ دۇربەلەڭىنەن ساقتانۋ ءۇشىن ايتۋعا ءماجبۇر بولعان اقپارات" دەيدى.
بيلىك باستاپقىدا ۆيرۋستىڭ قۇرساۋىنداعى العاشقى بولىپ قالعان ۋحان قالاسىندا 2.579 ادام قازا بولعانىن حابارلاعانىمەن، ولاردىڭ سانى ساعات سايىن ارتىپ جاتتى دەپ مالىمدەدى كوروناۆيرۋسقا قارسى كۇرەسكە جاۋاپ بەرەتىن جەرگىلىكتى ۇكىمەتتىك جۇمىس توبى.
ايتكەنمەن، قايتىس بولعان جانداردىڭ جاقىندارىنىڭ كۇلىن الۋعا كەلگەن ادامداردىڭ ۇزىن سونار كەزەكتەرىندەگى فوتوسۋرەتتەردى جاريالاعاننان كەيىن، قازا تاپقانداردىڭ سانى رەسمي تۇردە جاريالانعانداردان جوعارى بولعانى تۋرالى قاۋەسەت پايدا بولىپ، قىتاي بيلىگى دەرەكتەردى قايتا قاراپ، وزدەرىنىڭ اقپاراتتىق كەڭىستىگىنە تۇزەتۋلەر ەنگىزىپ، قازا بولعانداردىڭ سانىن 4.632 ادامعا دەيىن قايتا قارادى.
بۇل جايلى "اۋرۋحانالار سىيىمدىلىعى شەكتەۋلى بولۋىنان، مەديتسينا قىزمەتكەرلەرىنىڭ جەتىسپەۋىنەن، بىرنەشە مەديتسينالىق مەكەمەلەر جەرگىلىكتى ورگاندارمەن ۋاقىتىندا بايلانىسا الماۋىنان، بۇل اۋرۋدىڭ راستالعان جاعدايلارى مەن پاتسيەنتتەردى ساناۋداعى كەيبىر دالسىزدىكتەر تۋرالى حابارلامالاردىڭ كەشىگۋىنە الىپ كەلدى",-دەپ حابارلادى CGTN مەملەكەتتىك تەلەارناسى ۋحاننان شىققان اتى كورسەتىلمەگەن شەنەۋنىكتىڭ سوزىنە سۇيەنە وتىرىپ.
ال اقش پرەزيدەنتى دونالد ترامپ قىتايداعى ءولىم-ءجىتىم سانى تۋرالى جاريالانعان دەرەكتەر جونىندە كۇمان كەلتىرىپ، "سىزدەر شىنىمەن قىتاي دەپ اتالاتىن ۇلكەن ەلدەگى كورسەتىلگەن وسى ساندارعا سەنەسىزدەر مە؟... بىرەۋ شىن مانىندە وعان سەنەدى مە؟"- دەگەن بولاتىن.
دەنساۋلىق ساقتاۋ جونىندەگى ۇلتتىق كوميسسيانىڭ دەرەكتەرى بويىنشا. قىتايدىڭ ماتەريكتىك بولىگىندەگى دەرتپەن اۋرىرعانداردىڭ جالپى سانى 82.367 قۇرايدى.
اقپارات https://m.ru.investing.com/news/coronavirus/article-1964031 سايتىنان الىندى.
اۋدارعان: بەكزات بولاتۇلى،
"ادىرنا" ۇلتتىق پورتالى
