Qytaidyŋ Uhan qalasyndaǧy koronavirustan qaza bolǧandardyŋ sany epidemiia kezınde bastapqyda aitylǧan 1.300 adamnan bırneşe ese köp bolǧan.
Būny qytai bilıgı "būl derttıŋ qūrbandar sanyn jasyru üşın aitylǧan mälımet emes, epidemiianyŋ alǧaşqy künderınıŋ dürbeleŋınen saqtanu üşın aituǧa mäjbür bolǧan aqparat" deidı.
Bilık bastapqyda virustyŋ qūrsauyndaǧy alǧaşqy bolyp qalǧan Uhan qalasynda 2.579 adam qaza bolǧanyn habarlaǧanymen, olardyŋ sany saǧat saiyn artyp jatty dep mälımdedı koronavirusqa qarsy küreske jauap beretın jergılıktı ükımettık jūmys toby.
Äitkenmen, qaitys bolǧan jandardyŋ jaqyndarynyŋ külın aluǧa kelgen adamdardyŋ ūzyn sonar kezekterındegı fotosuretterdı jariialaǧannan keiın, qaza tapqandardyŋ sany resmi türde jariialanǧandardan joǧary bolǧany turaly qaueset paida bolyp, qytai bilıgı derekterdı qaita qarap, özderınıŋ aqparattyq keŋıstıgıne tüzetuler engızıp, qaza bolǧandardyŋ sanyn 4.632 adamǧa deiın qaita qarady.
Būl jaily "Auruhanalar syiymdylyǧy şekteulı boluynan, medisina qyzmetkerlerınıŋ jetıspeuınen, bırneşe medisinalyq mekemeler jergılıktı organdarmen uaqytynda bailanysa almauynan, būl aurudyŋ rastalǧan jaǧdailary men pasientterdı sanaudaǧy keibır dälsızdıkter turaly habarlamalardyŋ keşıguıne alyp keldı",-dep habarlady CGTN memlekettık telearnasy Uhannan şyqqan aty körsetılmegen şeneunıktıŋ sözıne süiene otyryp.
Al AQŞ prezidentı Donald Tramp Qytaidaǧy ölım-jıtım sany turaly jariialanǧan derekter jönınde kümän keltırıp, "Sızder şynymen Qytai dep atalatyn ülken eldegı körsetılgen osy sandarǧa senesızder me?... Bıreu şyn mänınde oǧan senedı me?"- degen bolatyn.
Densaulyq saqtau jönındegı ūlttyq komissiianyŋ derekterı boiynşa. Qytaidyŋ materiktık bölıgındegı dertpen auryrǧandardyŋ jalpy sany 82.367 qūraidy.
Aqparat https://m.ru.investing.com/news/coronavirus/article-1964031 saitynan alyndy.
Audarǧan: Bekzat Bolatūly,
"Adyrna" ūlttyq portaly
