سۋ تاسقىنىنان زارداپ شەگۋشىلەردىڭ بارلىعىنا وتەماقى بەرىلەدى

2747
Adyrna.kz Telegram

ۇكىمەت وتىرىسىندا تۇركىستان وبلىسىنىڭ اكىمى ومىرزاق شوكەەۆ اسقار مامينگە ارىستاعى تاجىريبەگە سۇيەنە وتىرىپ  ەۆاكۋاتسيالانعان ءار تۇرعىنعا وتەماقى بەرۋ قاجەت دەپ ويلايمىن دەدى.

- سۋ ەلدى مەكەندەردەن كەتكەن سوڭ ۇيلەرگە كىرىپ، كەلتىرىلگەن شىعىنداردى ەسەپتەۋىمىز قاجەت. سودان كەيىن كوميسسيامەن بىرىگىپ ۇيلەردى قالپىنا كەلتىرۋدىڭ جولدارىن قاراستىرۋ قاجەت. ول ۇيلەردە ءارتۇرلى مۇلىكتەر قالدى. ول مۇلىككە ناقتى  قانداي زيان كەلگەنىن ەسەپتەۋ قيىن. سوندىقتان ارىستاعى تاجىريبەگە سۇيەنە وتىرىپ مۇلىكتىڭ شىعىنىن وتەۋ ءۇشىن سۋ تاسقىنى كەزىندە ەۆاكۋاتسيالانعان ءار تۇرعىنعا وتەماقى بەرۋ قاجەت دەپ ويلايمىن. اپات كەزىندە 7 مىڭ گەكتاردان استام ەگىستىككە شىعىن كەلدى. ونى دا وتەپ بەرۋگە كومەكتەسۋىمىز كەرەك،-دەدى شوكەەۆ.

بۇعان دەيىنگى ەسەپتەۋلەرگە سايكەس،  845 تۇرعىن ءۇي، 10 دۇكەن،  4 مەديتسينا نىسانى، 3 مەكتەپ، 5 بالا-باقشا،  1 مادەنيەت ءۇيى سۋدا قالعان. جەڭىس، ورگەباس، دوستىق، جاڭاتۇرمىس، فيردوۋسي اۋىلدارىنداعى اپاتتى جويۋعا 1000-عا جۋىق قۇتقارۋشى مەن 200-دەي تەحنيكا تارتىلعان. 7639 گەكتار ەگىندىك قىزىل سۋدىڭ استىندا قالعان.

"ادىرنا" ۇلتتىق پورتالى

 

پىكىرلەر