ۆيدەودان سكرينشوت
كەشە الەۋمەتتىك جەلىدە پاۆلودار وبلىسىندا بولدى دەگەن وقيعا قوعامدىق رەزونانس تۋدىرعان بولاتىن. ۆيدەودا ارنايى جاساقپەن كەلگەن پوليتسيا وكىلى دەلىنگەن كوك فۋتبولكاداعى ادام سوبرعا دايىندالۋعا بۇيرىق بەرىپ، قاسىنداعى فورماداعى پوليتسيالارعا تۇرعىنداردىڭ قولىنا كىسەن سالۋدى بۇيىرادى، "ون جىلعا سوتتاتام" دەپ تەپسىنىپ، ءبىر ادامدى كولىككە قاراي سۇيرەي باستايدى. حالىق نارازىلىعىن ءبىلدىرىپ شۋلاي باستاعاندا اۆتوماتتان اسپانعا وق اتادى. وسى وقيعاعا قاتىستى پاۆلودار وبلىستىق پوليتسيا دەپارتامەنتى تەرگەۋدى باستادى دەپ حابارلايدى "ادىرنا"
پاۆلودار وبلىسى پد ءباسپاسوز قىزمەتىنە سىلتەمە جاساپ.
"پاۆلودار وبلىسىنىڭ پوليتسيا دەپارتامەنتى قازاقستان رەسپۋبليكاسىنىڭ 380-بابى 1-بولىمىنە سايكەس سوتقا دەيىنگى تەرگەۋ باستادى.
مال ۇرلىعىنىڭ الدىن الۋ ماقساتىندا جانە «مەتاللوگامما» مەن «NewHantamurNC» جشس قاتىستى كەلىپ تۇسكەن «ميكروسفەرا» كۇل-قوقىس شيكىزاتىن جاپپاي ۇرلاۋ تۋرالى پوليتسيا دەپارتامەنتى اقسۋ ءوڭىرى اقجول جانە بەرەكە اۋىلدارىنا موبيلدىك پوست قويىلدى.
موبيلدىك پوست قويىلعالى اۋماقتا مال ۇرلىعى 35%-عا ازايعانىن اتاپ كەتكەن ءجون.
وسى موبيلدىك پوست ەلدى مەكەننەن 15 شاقىرىم قاشىقتىقتا ورنالاسقان جانە ادامداردىڭ ەركىن جۇرۋىنە ەش كەدەرگى كەلتىرمەيدى.
قالقامان اۋىلى جانىندا ورنالاسقان موبيلدىك پوستقا اۋىل تۇرعىندارى ءتيىستى قۇجاتتارسىز «ميكروسفەرا» كۇل-قوقىس شيكىزاتىن تاسىمالداۋ تۋرالى ماسەلەمەن جۇگىنگەن. ولار وعان قارسى جاۋاپ الدى.
2020 جىلعى 13 مامىردا ساعات 17.30-دا موبيلدىك پوستقا بەرەكە كەنتىنىڭ 30 شاقتى تۇرعىنى اۆتوماشينامەن كەلىپ، كۇش قولدانامىز دەپ قورقىتىپ، پوليتسيا قىزمەتكەرلەرىنىڭ مۇلكىن زاقىمداپ، ولاردىڭ وقيعا ورنىنان كەتۋىن تالاپ ەتكەن.
تۋىنداعان جانجالدى جويۋ، سونداي-اق ودان ءارى جالعاسۋىنا جول بەرمەۋ ماقساتىندا پوليتسيا قىزمەتكەرلەرى ارنايى قۇرالدارىن قولدانىپ، بوس پاترونمەن ەسكەرتۋ وعىن اتۋ ارقىلى تۇرعىنداردىڭ ءىس-ارەكەتىن توقتاتتى. سودان كەيىن عانا اۋىل تۇرعىندارى وقيعا ورنىنان كەتتى.
قىزمەتكەرلەردىڭ ءىس-ارەكەتى بويىنشا وزىندىك قاۋىپسىزدىك باسقارماسىمەن قازاقستان رەسپۋبليكاسى قىلمىستىق كودەكسىنىڭ 361 – بابى 1-بولىمىنە سايكەس سوتقا دەيىنگى تەرگەۋ باستالدى. تەرگەۋ كەزىندە وسى پوليتسيا قىزمەتكەرى اتقارىپ وتىرعان لاۋازىمىنان بوساتىلدى.
روليك اۆتورى ۆيدەونىڭ باسىندا اۋىل تۇرعىندارى تاراپىنان شىققان قورقىتۋلاردى جانە سوڭىندا پوليتسيا قىزمەتكەرلەرى وسى تۇلعالاردىڭ زاڭسىز ارەكەتىن تۇسىندىرگەنى الىنىپ تاستاعانىن اتاپ كەتەكن ءجون، اقىرىندا تۋىنداعان جاعداي تۋرالى پىكىر قالدىرادى" دەلىنگەن حابارلامادا.
فوتو stan.kz
