videodan skrinşot
Keşe äleumettık jelıde Pavlodar oblysynda boldy degen oqiǧa qoǧamdyq rezonans tudyrǧan bolatyn. Videoda arnaiy jasaqpen kelgen polisiia ökılı delıngen kök futbolkadaǧy adam SOBRǧa daiyndaluǧa būiryq berıp, qasyndaǧy formadaǧy polisiialarǧa tūrǧyndardyŋ qolyna kısen saludy būiyrady, "on jylǧa sottatam" dep tepsınıp, bır adamdy kölıkke qarai süirei bastaidy. Halyq narazylyǧyn bıldırıp şulai bastaǧanda avtomattan aspanǧa oq atady. Osy oqiǧaǧa qatysty Pavlodar oblystyq polisiia departamentı tergeudı bastady dep habarlaidy "Adyrna"
Pavlodar oblysy PD baspasöz qyzmetıne sılteme jasap.
"Pavlodar oblysynyŋ Polisiia departamentı Qazaqstan Respublikasynyŋ 380-baby 1-bölımıne säikes sotqa deiıngı tergeu bastady.
Mal ūrlyǧynyŋ aldyn alu maqsatynda jäne «Metallogamma» men «NewHantamurNC» JŞS qatysty kelıp tüsken «mikrosfera» kül-qoqys şikızatyn jappai ūrlau turaly Polisiia departamentı Aqsu öŋırı Aqjol jäne Bereke auyldaryna mobildık post qoiyldy.
Mobildık post qoiylǧaly aumaqta mal ūrlyǧy 35%-ǧa azaiǧanyn atap ketken jön.
Osy mobildık post eldı mekennen 15 şaqyrym qaşyqtyqta ornalasqan jäne adamdardyŋ erkın jüruıne eş kedergı keltırmeidı.
Qalqaman auyly janynda ornalasqan mobildık postqa auyl tūrǧyndary tiıstı qūjattarsyz «mikrosfera» kül-qoqys şikızatyn tasymaldau turaly mäselemen jügıngen. Olar oǧan qarsy jauap aldy.
2020 jylǧy 13 mamyrda saǧat 17.30-da mobildık postqa Bereke kentınıŋ 30 şaqty tūrǧyny avtomaşinamen kelıp, küş qoldanamyz dep qorqytyp, polisiia qyzmetkerlerınıŋ mülkın zaqymdap, olardyŋ oqiǧa ornynan ketuın talap etken.
Tuyndaǧan janjaldy joiu, sondai-aq odan ärı jalǧasuyna jol bermeu maqsatynda polisiia qyzmetkerlerı arnaiy qūraldaryn qoldanyp, bos patronmen eskertu oǧyn atu arqyly tūrǧyndardyŋ ıs-äreketın toqtatty. Sodan keiın ǧana auyl tūrǧyndary oqiǧa ornynan kettı.
Qyzmetkerlerdıŋ ıs-äreketı boiynşa Özındık qauıpsızdık basqarmasymen Qazaqstan Respublikasy Qylmystyq kodeksınıŋ 361 – baby 1-bölımıne säikes sotqa deiıngı tergeu bastaldy. Tergeu kezınde osy polisiia qyzmetkerı atqaryp otyrǧan lauazymynan bosatyldy.
Rolik avtory videonyŋ basynda auyl tūrǧyndary tarapynan şyqqan qorqytulardy jäne soŋynda polisiia qyzmetkerlerı osy tūlǧalardyŋ zaŋsyz äreketın tüsındırgenı alynyp tastaǧanyn atap ketekn jön, aqyrynda tuyndaǧan jaǧdai turaly pıkır qaldyrady" delıngen habarlamada.
foto stan.kz
