سەرىك اقىلباي بەيبىت جيىندار تۋرالى: زاڭداعى نورمالار حالىقارالىق كونۆەنتسياعا سايكەس

323

قازاقستان زاڭگەرلەر وداعىنىڭ توراعاسى سەرىك اقىلباي بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭعا قاتىستى پىكىر ءبىلدىردى. بۇل تۋرالى قازاقپارات حابارلادى.

«جالپى، بۇل زاڭ ءبىراز تالقىلاندى، ياعني قوعامدىق تالقىلاۋ كوپ بولدى. ارينە، بۇرىنعى قۇجاتقا قاراعاندا قازىرگى زاڭ ايتارلىقتاي ىلگەرىلەۋدى بايقاتىپ وتىر. وسى ورايدا بۇل باعىتتا جاسالعان قادامداردى تولىقتاي قولدايمىن. سەبەبى «ازاماتتار تۋرالى پاكتى» دەگەن حالىقارالىق قۇجات بار، سوندا ادامداردىڭ قۇقىقتارى تولىقتاي ساقتالۋى تيىستىگى كورسەتىلگەن. ءبىزدىڭ كونستيتۋتسيادا دا ونىڭ بارلىعى ەسكەرىلگەن»، - دەدى س. اقىلباي.

بۇل تۇرعىدا ول «قازاقستان رەسپۋبليكاسىندا بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭى بۇرىنعى زاڭناماعا قاراعاندا ەلەۋلى تۇزەتۋلەردى قامتىعانىن اتاپ ءوتتى. بەيبىت جينالىستاردى وتكىزۋ ءتارتىبى ناقتىلانعانىنا توقتالعان س. اقىلباي: «وسى ورايدا ءوزىنىڭ پىكىرىن ايتۋشىلاردىڭ قۇقىعىن عانا ەمەس، جالپى قوعامنىڭ قۇقىعى ساقتالۋى كەرەك. مىسالى، ميتينگىگە قاتىسپايتىن باسقا ادامداردىڭ، اۆتوبۋسقا وتىرعان جولاۋشىلاردىڭ، كوشەدە سەرۋەندەپ جۇرگەندەردىڭ قۇقىعى بۇزىلماۋى ءتيىس. سوندىقتان وسى زاڭدا بۇل ماسەلەگە قاتىستى دۇرىس شەشىم قابىلدانعان»، - دەدى.

سونىمەن قاتار قازاقستان زاڭگەرلەر وداعىنىڭ توراعاسى اتالعان قۇجاتتا ميتينگ، جينالىس، دەمونستراتسيا مەن شەرۋگە قاتىستى ناقتى سيپاتتاما بەرىلگەنىن تىلگە تيەك ەتتى. «قازىرگى ۋاقىتتا ءبىز تسيفرلىق تەحنولوگيانى كەڭىنەن پايدالانىپ كەلەمىز.

بەيبىت جينالىستاردى ۇيىمداستىرۋ مەن وتكiزۋ ءۇشiن بەلگىلەنگەن ارنايى ورىنداردا ونلاين رەجيمدە كورسەتەتىن قۇرالدار بولادى، بۇقارالىق اقپارات قۇرالدارىنىڭ وكىلدەرى كەلەدى. جينالىستا ايتىلعان ماسەلەنىڭ بارلىعىن تىكەلەي ەفيردەن كورۋ مۇمكىندىگى جاسالادى. ياعني، حالىقتىڭ قۇقىعى تولىقتاي حالىقارالىق كونۆەنتسياعا سايكەس ساقتالعان. سوندىقتان بۇل زاڭدى وتە دۇرىس قۇجات دەپ سانايمىن»، - دەدى سەرىك اقىلباي. ەسكە سالا كەتەيىك، بيىل 14 مامىردا قر پارلامەنتىنىڭ سەناتى «قازاقستان رەسپۋبليكاسىندا بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى» قازاقستان رەسپۋبليكاسى زاڭى جوباسىنا بىرقاتار تۇزەتۋ ەنگىزدى. ال بۇگىن پارلامەنت ءماجىلىسىنىڭ جالپى وتىرىسىندا دەپۋتاتتار «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنا سەنات ەنگىزگەن وزگەرىستەر مەن تولىقتىرۋلاردى قولداپ، داۋىس بەردى.

 

قازاقپارات 

پىكىرلەر
رەداكتسيا تاڭداۋى