Serık Aqylbai beibıt jiyndar turaly: Zaŋdaǧy normalar halyqaralyq konvensiiaǧa säikes

Qazaqstan zaŋgerler odaǧynyŋ töraǧasy Serık Aqylbai beibit jinalystardy ūiymdastyru jäne ötkızu tärtıbı turaly zaŋǧa qatysty pıkır bıldırdı. Būl turaly QazAqparat habarlady. «Jalpy, būl zaŋ bıraz talqylandy, iaǧni qoǧamdyq talqylau köp boldy. Ärine, būrynǧy qūjatqa qaraǧanda qazırgı zaŋ aitarlyqtai ılgerıleudı baiqatyp otyr. Osy oraida būl baǧytta jasalǧan qadamdardy tolyqtai qoldaimyn. Sebebı «Azamattar turaly paktı» degen halyqaralyq qūjat bar, sonda adamdardyŋ qūqyqtary tolyqtai saqtaluy tiıstıgı körsetılgen. Bızdıŋ Konstitusiiada da onyŋ barlyǧy eskerılgen», - dedı S. Aqylbai. Būl tūrǧyda ol «Qazaqstan Respublikasynda beibit jinalystardy ūiymdastyru jäne ötkızu tärtıbı turaly» Zaŋy būrynǧy zaŋnamaǧa qaraǧanda eleulı tüzetulerdı qamtyǧanyn atap öttı. Beibıt jinalystardy ötkızu tärtıbı naqtylanǧanyna toqtalǧan S. Aqylbai: «Osy oraida özınıŋ pıkırın aituşylardyŋ qūqyǧyn ǧana emes, jalpy qoǧamnyŋ qūqyǧy saqtaluy kerek. Mysaly, mitingıge qatyspaityn basqa adamdardyŋ, avtobusqa otyrǧan jolauşylardyŋ, köşede seruendep jürgenderdıŋ qūqyǧy būzylmauy tiıs. Sondyqtan osy zaŋda būl mäselege qatysty dūrys şeşım qabyldanǧan», - dedı. Sonymen qatar Qazaqstan zaŋgerler odaǧynyŋ töraǧasy atalǧan qūjatta miting, jinalys, demonstrasiia men şeruge qatysty naqty sipattama berılgenın tılge tiek ettı. «Qazırgı uaqytta bız sifrlyq tehnologiiany keŋınen paidalanyp kelemız. Beibıt jinalystardy ūiymdastyru men ötkizu üşin belgılengen arnaiy oryndarda onlain rejimde körsetetın qūraldar bolady, būqaralyq aqparat qūraldarynyŋ ökılderı keledı. Jinalysta aitylǧan mäselenıŋ barlyǧyn tıkelei efirden köru mümkındıgı jasalady. Iаǧni, halyqtyŋ qūqyǧy tolyqtai halyqaralyq konvensiiaǧa säikes saqtalǧan. Sondyqtan būl zaŋdy öte dūrys qūjat dep sanaimyn», - dedı Serık Aqylbai. Eske sala keteiık, biyl 14 mamyrda QR Parlamentınıŋ Senaty «Qazaqstan Respublikasynda beibit jinalystardy ūiymdastyru jäne ötkızu tärtıbı turaly» Qazaqstan Respublikasy Zaŋy jobasyna bırqatar tüzetu engızdı. Al bügın Parlament Mäjılısınıŋ jalpy otyrysynda deputattar «QR-da beibıt jinalystardy ūiymdastyru jäne ötkızu tärtıbı turaly» zaŋ jobasyna Senat engızgen özgerıster men tolyqtyrulardy qoldap, dauys berdı.  

QazAqparat