الماتىدا ماس جۇرگىزۋشى باقىلاۋ-وتكىزۋ بەكەتىن بۇزىپ وتپەك بولدى، دەپ حابارلايدى adyrna.kz الماتى پد-گە سىلتەمە جاساپ.
دەپارتامەنتتىڭ مالىمەتىنشە، تاڭعى ساعات 05:06-دا الماتى وبلىسى قاراساي اۋدانى كوكساي ىقشاماۋدانىندا جاڭا عاسىر كوشەسىمەن قيىلىستا، كوجابەكوۆا كوشەسىمەن سولتۇستىك باعىتتا كەلە جاتقان 1992 جىلى تۋعان “BMW” ماركالى اۆتوكولىكتىڭ جۇرگىزۋشىسى، ا. ەسىمدى قالا تۇرعىنى №4 باقىلاۋ-وتكىزۋ بەكەتىنە سوقتىعىسقان. الدىمەن ول بەتون قورشاۋعا بارىپ سوعىلعان، كەيىن سونىڭ ەكپىنىمەن پاترۋلدىك كولىكتى سوققان. كولىك ىشىندە ەكى پوليتسيا قىزمەتكەرى بولعان.
حابارلامادا: "وكىنىشكە قاراي، پوليتسەيدىڭ ەكەۋى دە قازا تاپتى. الدىمەن 42 جاستاعى جالعاس جانعازيەۆ العان جاراقاتىنان جەدەل جاردەم كەلگەنگە دەيىن كوز جۇمدى. ول باتىس قازاقستان وبلىسىندا تۋعان. ىشكى ىستەر ورگانىندا 2001 جىلدان بەرى جۇمىس ىستەيدى. ارتىندا ايەلى مەن ەكى قىزى قالدى. ونىڭ ارىپتەسى، داستان ابدىقانوۆ جاقىن جەردە ورنالاسقان اۋرۋحاناعا وتە اۋىر جاعدايدا جەتكىزىلگەنىمەن دارىگەرلەر ونىڭ ءومىرىن ساقتاپ قالا المادى. ول 1994 جىلى تۋعان الماتى تۇرعىنى. ىشكى ىستەر ورگانىندا 2016 جىلدان بەرى جۇمىس ىستەيدى. ونىڭ دا ارتىندا ايەلى مەن ءبىر قىزى قالدى", - دەلىنگەن.
“BMW” جۇرگىزۋشىسى قاماۋعا الىندى. بۇل فاكتى بويىنشا سوتقا دەيىنگى تەرگەۋ باستالدى.
الماتى پوليتسيا دەپارتامەنتىنىڭ باسشىلىعى مەن جەكە قۇرامى قىزمەت بابىندا قايتىس بولعان جالعاس جانعازيەۆ پەن داستان ابدىقانوۆتىڭ وتباسىنا قايعىرىپ كوڭىل ايتادى جانە ورنى تولماس قايعىعا ورتاقتاسادى، - دەيدى اتالعان مەكەمە حابارىندا.
فوتو: ينتەرنەت جەلىسىنەن
