كوكشەتاۋ اۋرۋحاناسىندا قايتىس بولعان ءۇش ادام پوليتسيا اباقتىسىندا ۋلانۋى مۇمكىن

899

كوكشەتاۋ قالاسى پوليتسياسىنىڭ كۇدىكتىلەردى ۇستاۋ مەكەمەسىندە التى ادام استان ۋلانىپ، اۋرۋحاناعا ءتۇستى. ولاردىڭ ۇشەۋى قايتىس بولدى.

جەرگىلىكتى Kokshetau.asia سايتىنىڭ 2 ماۋسىمدا حابارلاۋىنشا، پوليتسيانىڭ كۇدىكتىلەردى ۇستاۋ مەكەمەسىندە وتىرعان التى ادام اۋرۋحاناعا تۇسكەن.

اقمولا وبلىسى پوليتسياسىنىڭ حابارلاۋىنشا، 28 مامىرعا قاراعان ءتۇنى كوكشەتاۋ قالاسىنىڭ التى تۇرعىنى اۋرۋحاناعا ءتۇستى. اكىمشىلىك ىسپەن ۇستالعان بۇل التاۋى ءبىر كامەرادا وتىرعان. بەسەۋى جول ەرەجەسىن بۇزعانى ءۇشىن قامالسا، ءبىر ادام بۇزاقىلىق جاسادى دەگەن ايىپپەن ۇستالعان.

ء"ۇش ادام قازا تاپتى، ۇشەۋى ەمدەلىپ جاتىر. سوت-مەديتسينالىق ساراپتاما ناتيجەسىن كۇتىپ وتىرمىز", - دەدى وبلىستىق پوليتسيا وكىلى ازاتتىق راديوسىنا.

جانساقتاۋ بولىمىندە جاتقان ەكى ادامنىڭ جاعدايى اۋىر ەكەنى حابارلانعان.

centralasian.org

پىكىرلەر
رەداكتسيا تاڭداۋى