ماسەلە جەكە باسىمنىڭ مورالدىق نە ماتەريالدىق جاعدايىمنىڭ جاقسىلىعىنان ەمەس، وزگەرىس بولعانىن مەن دە قالايمىن.
بىراق، ميتينگ وتكىزۋ ءتارتىبىن ءالى دە بىلمەيتىن، «ولمەگەن ايۋ تەرىسىن» بولىسە الماي جۇرگەن لجە-وپپوزيتسيا توپتارى ۇراندارىنا قوسىلا المايمىن.
«كەلە سالا وتكىزەتىن سايلاۋدا حالىق ءوزى اكىمدەرى مەن دەپۋتاتتارىن سايلاپ الاتىن بولادى» دەگەن مۇقتاردىڭ دا، «كرەديتتىك امنيستيا» دەپ ۇرانداعان جانبولات تا «ساعىم قۋعاندار» قاتارىنان.
«ءجۇز قىرىق بەس رۋ عا» بولىنگەن قازاققا اكىمى مەن دەپۋتاتىن وزدەرىنە سايلاتتىراتىن بولسا، ءار رۋ ءوز اكىمى مەن دەپۋتاتىن سايلاپ الىپ-قازاقتىڭ 1045 كە بولىنەتىن مۇقتاردىڭ بىلمەگەنى قالاي؟
سوسىن، ول تۇرمەدەن شىققاندا وعان سەنىپ تاپسىرىلعان حالىقتىڭ 10 ملرد اقش $-ى قايدا؟ ول تۇرمەگە كەتكەنگە دەيىن رەسەي ت ب شەت ەلدەردەگى بيزنەسىنە سالىنعان ءوز
اقشاسى قايتقان جوق.
ال، «كۋرورتتان» كەلگەننەن كەيىن قازاق حالقىنا تيەسىلى اقشانى شەتكە شىعارىپ، ءوز ەسەبىن تۇگەندەپ العان ادام ول.
ول ۇرلاعان 10 ملرد $ نازارباەۆتىڭ اقشاسى ەمەس، ول ۋاقىتشا يەلىك ەتكەن حالىقتىڭ اقشاسى! قازىنانىڭ كىرىسى مەن شىعىسى تۋرالى ازداعان بىلىمدەرىڭ بولسا، وسىنى ۇعار ەدىڭدەر...
جانبولات-بۇل جاعىنان تازا ادام!
ال، ول ۇرانداپ جۇرگەن «كرەديتتىك امنيستيا»عا قاي بانك كەلىسەدى، ايتىڭدارشى؟
كرەديتتى ۇستەمە پايىزبەن بەرىپ، سوعان كۇنىن كورىپ وتىرۋ-بانكتىڭ نەگىزگى ماقساتى، تابىس كوزى ەمەس پە؟!
«دپك»-نىڭ «دۆك»عا پروتيۆوۆەس/التەرناتيۆا رەتىندە قۇرىلعانىن شىنىمەن ۇقپاي جۇرسىڭدەر مە؟
بۇگىنگى ميتينگتەر 200% بيلىكتىڭ قاداعالاۋىندا ءوتتى. ونى مويىنداڭدار!
ويتكەنى، بيلىككە قويىلعان تالاپتار «ورتا جولدان» قويىلىپ وتىر.
ەڭ ءبىرىنشى، قازىنا قاراجاتى كىرىسى مەن شىعىسىن اشىق جاريا ەتىلۋىن تالاپ ەتۋ قاجەت.
سوسىن بارىپ پايىزى تومەن نەسيە مەن الەۋمەتتىك از قامتىلعاندارعا كومەك سۇراۋ قاجەت. «جۇمىس ورىندارى اشىلسىن!» دەپ سۇراۋ كەرەك!
كاسىپورىنداردا مامان جوق. ونى وقىتاتىن بىلىكتى وقىتۋشى جوق.
مۇناي سالاسىندا جۇمىس ىستەيتىندەر ايتاتىنى «شەتەل ادامىنا 5 ملن، ءبىز گە 500 مىڭ عانا تولەيدى» دەيدى. ويتكەنى، مامان ەمەسسىڭ! سەنى وقىتۋى كەرەك جوو-دارى بىلىقتان باس كوتەرە الماي وتىر! «جايلاعان جەمقورلىق جويىلسىن» دەپ سۇراپ جۇرگەن ءبىر ادام جوق.
ءاي-ءشاي جوق «كرەديتىمىزدى كەشىرىڭدەر!» دەگەن قانداي تالاپ ول؟
حالىق ءوز تالابىن بيلىككە ورىنداتۋى ءۇشىن-ءاربىر ادام ءبىلىمدى بولۋى قاجەت!
كىمنەن نەنى قالاي سۇراۋ كەرەكتىگىن بىلمەيىنشە-ءبارى بەكەر!
حالىقتىڭ جارتىسىن مەشىتتەن مولدا باسقارسا، قالعانىڭ جاعىمپاز بولساڭ-كورگەن كۇنىڭ وسى قازاق.
ال، «ءوزىڭ نەگە باسقارىپ شىقپايسىڭ؟» دەپ پىكىر جازاتىندارعا الدىن-الا جاۋاپ بەرە سالايىن.
قوعامدا بار پروبلەمانى كوتەرسەڭ پىكىر جازباق تۇگىلى، وقىپ الىپ لايك باسۋعا ەرىنەتىندەردىڭ تىلىندە كوسەم، قولدارىندا كوسەۋ بولعىم كەلمەيدى!
تورتۋىل شوقاننىڭ فەيسبۋك پاراقشاسىنان
