پوليتسيانى ۇرعان (ۆيدەو)

6102

پاۆلودار وبلىسى پوليتسيا دەپارتامەنتى پوليتسيا قىزمەتكەرىنە قاتىستى كۇش قولدانۋ فاكتىسىنە تۇسىنىكتەمە بەردى

تەرگەۋ بارىسىندا انىقتالعانى – 6 ماۋسىم كۇنى ساعات 19:45 شاماسىندا ك. ەسىمدى ازاماتتىڭ ورتا اۋىر دارەجەدەگى ماس كۇيدە پاۆلودار قالاسى لەرمونتوۆ كوشەسى 96 ءۇيدىڭ اۋلاسىندا قالانى كورىكتەندىرۋ ەرەجەسىن بۇزعانى، سونداي-اق الكوگولدىك ىشىمدىك ىشكەنى انىقتالدى. قۇقىق بۇزۋشى 1989 جىلى تۋعان، بۇرىن توناۋ قىلمىسىن جاساعانى ءۇشىن سوتتالعان. ۋچاسكەلىك پوليتسيا ينسپەكتورى ر.توكەباەۆ ءوزىنىڭ اكىمشىلىك ۋچاسكەسىندە پاترۋلدەۋ كەزىندە اتالعان فاكتى بويىنشا حابارلامانى سول ءۇيدىڭ تۇرعىندارىنان العان.
وقيعا ورنىنا كەلگەن ۋچاسكەلىك پوليتسيا ينسپەكتورى ر.توكەباەۆ ك. ەسىمدى ازاماتقا اكىمشىلىك زاڭنامانى بۇزعانى تۋرالى ەسكەرتۋ جاساعان. ول بولسا ر.توكەباەۆقا  پوليتسيا قىزمەتكەرىنىڭ اتىن قورلايتىن دورەكى سوزدەرمەن  جاۋاپ بەرگەن. ينسپەكتوردىڭ تاراپىنان ايتىلعان قۇقىققا قايشى ارەكەتتى توقتاتۋ تۋرالى ەسكەرتۋگە قاراماستان، ەر ادام دورەكى سوزدەردى توقتاتپاي، بيلىك وكىلىن يتەرىپ، كۇش كورسەتۋگە يتەرمەلەگەن.
پوليتسيا ينسپەكتورى قولدانىستاعى زاڭناماعا سايكەس بەلسەندى قىسىم جاسايتىن كەدەرگىگە بايلانىستى ارنايى قۇرالدى قولدانۋعا قۇقىلى. الايدا ك. ەسىمدى ازاماتتىڭ  قولىندا جاس بالا بولعاندىقتان، ينسپەكتور قورعانىس سيپاتىنداعى ارەكەتپەن شەكتەلگەن.
بىراق قۇقىق بۇزۋشى وعان توقتاماي، پوليتسيا قىزمەتكەرىن قولمەن، اياقپەن سوققىلاعان. جانجال بارىسىندا ازامات ك قۇقىققا قايشى ارەكەتىمەن پوليتسيا كاپيتانى ر. توكەباەۆقا ءارتۇرلى دەنە جاراقاتىن كەلتىرگەن.
وقيعا ورنىنا كەلگەن پوليتسيا ناريادى كۇدىكتىنى ۇستاپ، پاۆلودار قالاسى پب ۋۇي-نا قامادى، ونىڭ ءىس-ارەكەتى قازاقستان رەسپۋبليكاسى قر 380-بابى 2-بولىمىنە قايتا اۋىستىرىلدى (بيلىك وكىلىنىڭ ومiرiنە نەمەسە دەنساۋلىعىنا قاۋiپتi كۇش قولدانۋ).

"ادىرنا" ۇلتتىق پورتالى

پىكىرلەر
رەداكتسيا تاڭداۋى