Pavlodar oblysy Polisiia departamentı polisiia qyzmetkerıne qatysty küş qoldanu faktısıne tüsınıkteme berdı
Tergeu barysynda anyqtalǧany – 6 mausym künı saǧat 19:45 şamasynda K. esımdı azamattyŋ orta auyr därejedegı mas küide Pavlodar qalasy Lermontov köşesı 96 üidıŋ aulasynda qalany körıktendıru erejesın būzǧany, sondai-aq alkogoldık ışımdık ışkenı anyqtaldy. Qūqyq būzuşy 1989 jyly tuǧan, būryn tonau qylmysyn jasaǧany üşın sottalǧan. Uchaskelık polisiia inspektory R.Tökebaev özınıŋ äkımşılık uchaskesınde patruldeu kezınde atalǧan faktı boiynşa habarlamany sol üidıŋ tūrǧyndarynan alǧan.
Oqiǧa ornyna kelgen uchaskelık polisiia inspektory R.Tökebaev K. esımdı azamatqa äkımşılık zaŋnamany būzǧany turaly eskertu jasaǧan. Ol bolsa R.Tökebaevqa polisiia qyzmetkerınıŋ atyn qorlaityn dörekı sözdermen jauap bergen. İnspektordyŋ tarapynan aitylǧan qūqyqqa qaişy ärekettı toqtatu turaly eskertuge qaramastan, er adam dörekı sözderdı toqtatpai, bilık ökılın iterıp, küş körsetuge itermelegen.
Polisiia inspektory qoldanystaǧy zaŋnamaǧa säikes belsendı qysym jasaityn kedergıge bailanysty arnaiy qūraldy qoldanuǧa qūqyly. Alaida K. esımdı azamattyŋ qolynda jas bala bolǧandyqtan, inspektor qorǧanys sipatyndaǧy äreketpen şektelgen.
Bıraq qūqyq būzuşy oǧan toqtamai, polisiia qyzmetkerın qolmen, aiaqpen soqqylaǧan. Janjal barysynda azamat K qūqyqqa qaişy äreketımen polisiia kapitany R. Tökebaevqa ärtürlı dene jaraqatyn keltırgen.
Oqiǧa ornyna kelgen polisiia nariady küdıktını ūstap, Pavlodar qalasy PB UŪİ-na qamady, onyŋ ıs-äreketı Qazaqstan Respublikasy QR 380-baby 2-bölımıne qaita auystyryldy (bilık ökılınıŋ ömirine nemese densaulyǧyna qauipti küş qoldanu).
https://www.youtube.com/watch?v=_vhBcYjBxl4&feature=youtu.be
"Adyrna" ūlttyq portaly
