Pavlodar oblysyna qarasty Aqsu qalasynyŋ tūrǧyndaryn qystan aman şyǧudyŋ qamy mazalaidy. Būl şahar da Ekıbastūzdyŋ kebın kiiuı mümkın. Sebebı, jergılıktı qazandyqtar äbden eskırgen. Al osydan bes jyl būryn qūrylysy bastalyp, milliardtaǧan qarajat jūmsalǧan jaŋa qazandyq älı de ıske qosylmai keledı. Tūrǧyndar ötınışınen keiın atalǧan mäselege qatysty QR Parlamentı Mäjılısınıŋ deputattyǧyna kandidat Jarqynbek Amantai ündeu jariialap, jauaptylardy jazalaudy talap ettı, dep habarlaidy “Adyrna” ūlttyq portaly.
Aqsu qalasynda da Ekıbastūzdaǧy jaǧdai qaitalanuy mümkın. Sebebı qazır jūmys ıstep tūrǧan qazandyqtar äbden tozǧan. Kez-kelgen uaqytta ısten şyǧuy yqtimal. Onymen qosa, qalanyŋ barlyq bölıgıne jylu tartu mümkın bolmai otyr. Sol sebepten osydan bes jyl būryn mūnda jaŋa qazandyq saludy qolǧa alǧan. Jospar boiynşa būl nysan 2020 jyly ıske qosyluy kerek edı. Alaida, ol – «saqaldy» qūrylysqa ainaldy. Äuel basta jaŋa qazandyq qūrylysyna 11 mlrd teŋge jūmsau josparlanǧan edı. Nätijesınde, «qarajat jetpei jatyr» degen jeleumen osy künge deiın 12 mlrd teŋge şyǧyndaldy. Bıraq, nätije joq.
Mäsele mūnymen aiqtalmaidy. Jaŋa qazandyq ıske
Būl mäsele boiynşa jergılıktı tūrǧyndar QR Parlamentı Mäjılısınıŋ deputattyǧyna kandidat Jarqynbek Amantaiǧa şaǧymdandy. Ol, öz kezegınde, aqsulyqtarmen jüzdesıp, mäselenı zerdelep qaitty.
Aqsu qalasynyŋ tūrǧyndarymen kezdestım. Olardy da ekıbastūzdyqtar siiaqty "jylumen ne bolady?» sūraq mazalaidy. Aqsu qazandyǧy - Astanadaǧy LRT siiaqty jauapsyzdyqtyŋ eskertkışıne ainalǧandai. Sondyqtan, oǧan kınälı basşylardy qazır tauyp, şetelge qaşyp ketpei tūrǧanda jazalau kerek. Eger qazandyq ıske qosylsa, tarif boiynşa sūraq tuyndaidy. Ol ekı jarym ese ösedı! Barlyq şyǧyndy kınälı jandar öteuı tiıs. Aqsu tūrǧyndary jäne memlekettık biudjetı bıreudıŋ qatelıgı üşın zardap şekpeuı tiıs. Jalpy, bızge osyndai qazandyq kerek pe? Täuelsız sarapşylardy tartyp, qalany Aqsudaǧy jylu elektr stansiiasynan quattandyru mümkındıgın zerdelegen jön siiaqty. Jergılıktı äkımdık osy mäselelerdı şeşudı dereu qolǧa aluy mındettı. Äitpese mūnda da Ekıbastūzdaǧy jaǧdai qaitalanuy mümkın, - dedı Jarqynbek Amantai.
