تۇرمىسى تومەن وتباسىلارعا ارنالعان الەۋمەتتىك پاكەتكە نە كىرەدى؟

مەملەكەت تۇرمىسى تومەن وتباسى بالالارىنا بەرىلەتىن كەپىلدەندىرىلگەن الەۋمەتتىك پاكەتكە كىرەتىن زاتتاردىڭ ءتىزىمىن انىقتادىدەپ حابارلايدى «ادىرنا» ۇلتتىق پورتالى ەڭبەك رەسۋرستارىنىن دامىتۋ ورتالىعىنا (iac.enbek.kz) سىلتەمە جاساپ .  كەپىلدەندىرىلگەن الەۋمەتتىك كومەك –  ءبىر جاستان ون سەگىز جاسقا دەيىنگى بالالارى بار از قامتىلعان وتباسىلارعا بەرىلەتىن كومەك. ول 1 جاستان 6 جاسقا دەيىنگى بالالارعا ءار اي سايىن ازىق-تۇلىك جيىنتىعى رەتىندە  ، ال توقسان سايىن تۇرمىستىق حيميا تاۋارلارىنىڭ ەسەبىندە بەرىلەدى . جيىنتىق قۇرامى ۇكىمەتتىڭ 2019 جىلعى 30 جەلتوقسانىنداعى قاۋلىسىمەن بەكىتىلگەن جانە وسى جاستاعى بالالاردىڭ فيزيولوگيالىق ەرەكشەلىكتەرىن ، تاعامدىق جانە ەنەرگەتيكالىق قۇندىلىعىن ەسكەرە وتىرىپ جاسالدى. الەۋمەتتىك پاكەتتىڭ قۇرامىنا  كالتسي مەن باسقا دا ميكروەلەمەنتتەر، انەميا، راحيت جانە ديسباكتەريوزدىڭ الدىن-الۋعا ارنالعان پروبيوتيكتەرى بار ءارتۇرلى ونىمدەر ەنگەن . سونىمەن، ورتا ءبىلىم بەرۋ ۇيىمدارىندا وقيتىن 6 جاستان 18 جاسقا دەيىنگى بالالارعا ارنالعان كەپىلدەندىرىلگەن الەۋمەتتىك پاكەتكە: 1) مەكتەپ فورماسى نەمەسە سپورتتىق كيىم، مەكتەپ قۇرالدارى جيىنتىعى;  2) دەنساۋلىق ساقتاۋ سالاسىنداعى ۋاكىلەتتى ورگان بەلگىلەگەن نورمالارعا سايكەس وقۋ جىلى كەزەڭىندە وقۋ ورنىندا (وقۋ كۇندەرى) كۇندەلىكتى ءبىر رەت ىستىق تاماق;  3) قوعامدىق كولىكتە (تاكسيدەن باسقا) بيلەتتىڭ تولىق قۇنىنىڭ 50 پايىزىنان كەم ەمەس مولشەردە جەڭىلدىكپەن جول ءجۇرۋءى كىرگەن.