دەنساۋلىق ساقتاۋ ءمينيسترى ەلجان ءبىرتانوۆ نە سەبەپتى جۇمىستان كەتكەنىن ءتۇسىندىردى. ايتۋىنشا، مەملەكەت باسشىسىنان ءوزى سۇرانعان. مينيستر ەلىمىزدە ەپيدەميولوگيالىق جاعدايدىڭ كۇردەلەنىپ بارا جاتقانىن ايتىپ، بۇرىنعى ارىپتەستەرىنە تاباندىلىق تىلەدى.
"قۇرمەتتى ارىپتەستەر مەن دوستار!
بۇگىن مەملەكەت باسشىسىنا مەنى دەنساۋلىق ساقتاۋ ءمينيسترى قىزمەتىنەن بوساتۋدى سۇراپ ءوتىنىش جازدىم.
وكىنىشكە قاراي، مەندەگى اسقىنعان پنەۆمونيالى كوروناۆيرۋس ينفەكتسياسى بولعاندىقتان، قوسىمشا ەم الۋ قاجەت.
سونىمەن قاتار، قازىر ەلدەگى ەپيدەميولوگيالىق جاعداي كۇردەلى – سالانى مينيسترلىك پەن ايماقتىق دەنساۋلىق ساقتاۋ باسقارمالارىنىڭ دەڭگەيىندە باسقارۋ قاجەت دەپ سانايمىن.ءبىزدىڭ دەنساۋلىق ساقتاۋ جۇيەمىز كۇن سايىن ارتىپ كەلە جاتقان اۋىرتپالىقتى جەڭە الاتىنىنا سەنىمدىمىن. ول ءۇشىن ارقايسىمىز ۋاقىت ءبولىپ، بەرىلىپ قىزمەت ەتۋىمىز قاجەت. بارلىق ارىپتەستەرىمە دەنساۋلىق پەن شىدامدىلىق تىلەيمىن!
مەملەكەت باسشىسىنا قازاقستاندىق دەنساۋلىق ساقتاۋ سالاسىن دامىتۋعا ۇلەس قوسۋعا مۇمكىندىك بەرگەنىنە جانە جوعارى سەنىم ارتقانى ءۇشىن العىس ايتامىن!", - دەپ جازدى بۇرىنعى مينيستر.
ەستەرىڭىزگە سالا كەتسەك، الەكسەي تسوي دەنساۋلىق ساقتاۋ ءمينسيترى بولىپ تاعايىندالدى.
"ادىرنا" ۇلتتىق پورتالى