Densaulyq saqtau ministrı Eljan Bırtanov ne sebeptı jūmystan ketkenın tüsındırdı. Aituynşa, memleket basşysynan özı sūranǧan. Ministr elımızde epidemiologiialyq jaǧdaidyŋ kürdelenıp bara jatqanyn aityp, būrynǧy ärıptesterıne tabandylyq tıledı.
"Qūrmettı ärıptester men dostar! Bügın Memleket basşysyna menı Densaulyq saqtau ministrı qyzmetınen bosatudy sūrap ötınış jazdym. Ökınışke qarai, mendegı asqynǧan pnevmoniialy koronavirus infeksiiasy bolǧandyqtan, qosymşa em alu qajet. Sonymen qatar, qazır eldegı epidemiologiialyq jaǧdai kürdelı – salany ministrlık pen aimaqtyq densaulyq saqtau basqarmalarynyŋ deŋgeiınde basqaru qajet dep sanaimyn. Bızdıŋ densaulyq saqtau jüiemız kün saiyn artyp kele jatqan auyrtpalyqty jeŋe alatynyna senımdımın. Ol üşın ärqaisymyz uaqyt bölıp, berılıp qyzmet etuımız qajet. Barlyq ärıptesterıme densaulyq pen şydamdylyq tıleimın! Memleket Basşysyna qazaqstandyq densaulyq saqtau salasyn damytuǧa üles qosuǧa mümkındık bergenıne jäne joǧary senım artqany üşın alǧys aitamyn!", - dep jazdy būrynǧy ministr.
Esterıŋızge sala ketsek, Aleksei Soi Densaulyq saqtau minsitrı bolyp taǧaiyndaldy.
"Adyrna" ūlttyq portaly
