9 ماۋسىمدا «نۇر سۇلتان» تەمىرجول ۆوكزالىنىڭ اۆتوتۇراعىندا جەدەل-ىزدەستىرۋ شارالارىن جۇرگىزۋ بارىسىندا كولىك پوليتسياسىنىڭ قىزمەتكەرلەرى زاڭسىز كاسىپكەرلىككە قاتىسى بار دەگەن كۇدىكپەن ەر ادامدى ۇستادى. ولار ەر ادامنىڭ كولىگىنەن 17 مىڭعا جۋىق ماسكا تاركىلەدى.
كولىك پوليتسياسى باسقارماسى باستىعىنىڭ ورىنباسارى نۇرجان الىباەۆتىڭ ايتۋىنشا، ماسكالاردىڭ ناقتى سانى – 16 950 دانا، باعاسى 728 850 تەڭگە.
ۇستالعان ادام ماسكانى ودان ءارى ساتۋ ءۇشىن جارناما سايتى ارقىلى العاندىعىن ايتادى.
قازىرگى ۋاقىتتا ۇستالعان ادامعا قاتىستى زاڭناماعا سايكەس ونى جاۋاپكەرشىلىككە تارتۋ تۋرالى شەشىم قابىلدانۋدا. ازىرگە ناقتى قانداي جاۋاپكەرشىلىك تۋرالى ايتىلمادى.
ەستەرىڭىزدە سالا كەتەيىك، العاشقى كارانتين كەزىندە وسىنداي زاڭسىز كاسىپپكەن اينالىسقان الماتى قالاسىنىڭ بىرنەشە الىپساتارى ۇستالعان.
