كوروناۆيرۋس ينفەكتسياسى تارالعان العاشقى كۇننەن باستاپ پاندەميامەن كۇرەسكە قارۋلى كۇشتەردىڭ اسكەري-مەديتسينالىق قىزمەتى بەلسەندى قاتىسۋدا. اسكەري مەديتسينا قىزمەتكەرلەرىنىڭ نەگىزگى مىندەتى اسكەري قىزمەتشىلەردىڭ دەنساۋلىعىن ساقتاۋ ەكەندىگىنە قاراماستان، اسكەري-مەديتسينالىق قىزمەت رەسۋرستارى ازاماتتىق دەنساۋلىق ساقتاۋعا كومەك كورسەتۋگە باعىتتالدى.
اعىمداعى جىلدىڭ 16 شىلدەسىندە الماتى قالاسى اسكەري گوسپيتالىنىڭ ازاماتتىق پەرسونالىنىڭ جەكەلەگەن وكىلدەرىنىڭ ەپيدەمياعا قارسى ءىس-شارالارعا قاتىسقانى ءۇشىن ولارعا اي سايىنعى ۇستەمەاقى تولەۋگە قاتىستى ءسوز سويلەۋ فاكتىسى بويىنشا قورعانىس مينيسترلىگى ءوز ۇستانىمىن ءبىلدىردى. قورعانىس ۆەدومستۆوسى قولدانىستاعى زاڭنامادا كوزدەلگەن بارلىق مىندەتتەمەلەردى ورىنداپ، ينفەكتسيامەن كۇرەسكە تارتىلعان مەديتسينا قىزمەتكەرلەرىنە ۇستەمە اقى تولەۋ ماسەلەسىن شەشۋمەن اينالىسادى. بۇل ماسەلە قورعانىس ءمينيسترىنىڭ قاتاڭ باقىلاۋىندا.بۇل ماسەلەنى شەشۋ جانە نورماتيۆتىك-قۇقىقتىق بازانى وزگەرتۋ قورعانىس مينيسترلىگىنە عانا بايلانىستى ەمەس. سونداي-اق ونىڭ ورىندالۋى بەلگىلى ءبىر ۋاقىتتى تالاپ ەتەدى. دەنساۋلىق ساقتاۋ ءمينيسترىنىڭ 2020 جىلدىڭ 4 ساۋىرىندەگى «COVID-19 كوروناۆيرۋسىمەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان دەنساۋلىق ساقتاۋ ۇيىمدارىنىڭ جۇمىسكەرلەرىن قارجىلىق قولداۋدىڭ كەيبىر ماسەلەلەرى تۋرالى» بۇيرىعىنا تولىقتىرۋلار ەنگىزۋ قۇزىرەتتى مەملەكەتتىك ورگاندارمەن پىسىقتالۋدا. اعىمداعى جىلدىڭ مامىر ايىندا قورعانىس مينيسترلىگى دەنساۋلىق ساقتاۋ مينيسترلىگىنە تولىقتىرۋلار ەنگىزۋ جونىندە جانە قارجى مينيسترلىگىنە كوروناۆيرۋسقا قارسى كۇرەس شەڭبەرىندە ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىن قارجىلىق قولداۋعا قاجەتتى اقشالاي قاراجاتتىڭ قاجەتتىلىگىن ەسەپتەۋ جونىندە ءتيىستى ۇسىنىستار جىبەردى.اعىمداعى جىلدىڭ 17 شىلدەسىندە قارجى مينيسترلىگىنەن ءمينيستردىڭ مىندەتىن اتقارۋشى تۇلعانىڭ قولى قويىلعان 16.07.2020 ج. شىع.№ 23-12/2233 حاتىنداعى جاۋابى الىندى. وندا قارۋلى كۇشتەردىڭ مەديتسينا قىزمەتكەرلەرىنە ۇستەمەاقى تولەۋ قاراستىرىلماعاندىعى ايتىلعان. ويتكەنى ولار «اسكەري قىزمەت جانە اسكەري قىزمەتشىلەردىڭ مارتەبەسى» تۋرالى قر زاڭىنا سايكەس لايىقتى اقشالاي ۇلەسپەن تۇرعىن ءۇي تولەمدەرىمەن قامتاماسىز ەتىلگەن جانە ولارعا قولدانىلاتىن بارلىق كوزدەلگەن جەڭىلدىكتەر بار ەكەندىگى ايتىلعان.الىنعان جاۋاپقا قاراماستان، قورعانىس مينيسترلىگى وسى ماسەلەنى شەشۋ بويىنشا جۇمىستى جالعاستىرادى. ويتكەنى اسكەري مەديتسينا قىزمەتكەرلەرى وزدەرىنىڭ ازاماتتىق ارىپتەستەرىمەن وسىنداي كۇردەلى جانە قاۋىپتى جاعدايلاردا قازاقستاندىقتاردىڭ ءومىرى ءۇشىن تەڭ جاعدايدا كۇرەسۋدە. ولاردى قارجىلىق قولداۋ ماسەلەلەرىندە ءبولۋدى بۇكىل ەل قاۋىپ-قاتەرمەن كۇرەستە توپتاسقان كەزدە ادىلەتسىز دەپ سانايمىز. ءبىز بۇل ماسەلە جوعارى دەڭگەيدە وڭ شەشىمىن تابادى دەپ ۇمىتتەنەمىز. قاجەتتى تۇزەتۋلەر ەنگىزىلگەننەن كەيىن اسكەري مەكەمەلەردىڭ مەديتسينا ماماندارىنا ۇستەماقى تولەنەدى.
ادىرنا ۇلتتىق پورتالى
