Koronavirus infeksiiasy taralǧan alǧaşqy künnen bastap pandemiiamen küreske Qaruly küşterdıŋ äskeri-medisinalyq qyzmetı belsendı qatysuda. Äskeri medisina qyzmetkerlerınıŋ negızgı mındetı äskeri qyzmetşılerdıŋ densaulyǧyn saqtau ekendıgıne qaramastan, äskeri-medisinalyq qyzmet resurstary azamattyq densaulyq saqtauǧa kömek körsetuge baǧyttaldy.
Aǧymdaǧy jyldyŋ 16 şıldesınde Almaty qalasy äskeri gospitalınıŋ azamattyq personalynyŋ jekelegen ökılderınıŋ epidemiiaǧa qarsy ıs-şaralarǧa qatysqany üşın olarǧa ai saiynǧy üstemeaqy töleuge qatysty söz söileu faktısı boiynşa Qorǧanys ministrlıgı öz ūstanymyn bıldırdı. Qorǧanys vedomstvosy qoldanystaǧy zaŋnamada közdelgen barlyq mındettemelerdı oryndap, infeksiiamen küreske tartylǧan medisina qyzmetkerlerıne üsteme aqy töleu mäselesın şeşumen ainalysady. Būl mäsele Qorǧanys ministrınıŋ qataŋ baqylauynda.Būl mäselenı şeşu jäne normativtık-qūqyqtyq bazany özgertu Qorǧanys ministrlıgıne ǧana bailanysty emes. Sondai-aq onyŋ oryndaluy belgılı bır uaqytty talap etedı. Densaulyq saqtau ministrınıŋ 2020 jyldyŋ 4 säuırındegı «COVID-19 koronavirusymen küres şeŋberınde epidemiiaǧa qarsy ıs-şaralarǧa tartylǧan densaulyq saqtau ūiymdarynyŋ jūmyskerlerın qarjylyq qoldaudyŋ keibır mäselelerı turaly» būiryǧyna tolyqtyrular engızu qūzyrettı memlekettık organdarmen pysyqtaluda. Aǧymdaǧy jyldyŋ mamyr aiynda Qorǧanys ministrlıgı Densaulyq saqtau ministrlıgıne tolyqtyrular engızu jönınde jäne Qarjy ministrlıgıne koronavirusqa qarsy küres şeŋberınde epidemiiaǧa qarsy ıs-şaralarǧa tartylǧan medisina qyzmetkerlerın qarjylyq qoldauǧa qajettı aqşalai qarajattyŋ qajettılıgın esepteu jönınde tiıstı ūsynystar jıberdı.Aǧymdaǧy jyldyŋ 17 şıldesınde Qarjy ministrlıgınen ministrdıŋ mındetın atqaruşy tūlǧanyŋ qoly qoiylǧan 16.07.2020 j. şyǧ.№ 23-12/2233 hatyndaǧy jauaby alyndy. Onda Qaruly Küşterdıŋ medisina qyzmetkerlerıne üstemeaqy töleu qarastyrylmaǧandyǧy aitylǧan. Öitkenı olar «Äskeri qyzmet jäne äskeri qyzmetşılerdıŋ märtebesı» turaly QR Zaŋyna säikes laiyqty aqşalai ülespen tūrǧyn üi tölemderımen qamtamasyz etılgen jäne olarǧa qoldanylatyn barlyq közdelgen jeŋıldıkter bar ekendıgı aitylǧan.Alynǧan jauapqa qaramastan, Qorǧanys ministrlıgı osy mäselenı şeşu boiynşa jūmysty jalǧastyrady. Öitkenı äskeri medisina qyzmetkerlerı özderınıŋ azamattyq ärıptesterımen osyndai kürdelı jäne qauıptı jaǧdailarda qazaqstandyqtardyŋ ömırı üşın teŋ jaǧdaida küresude. Olardy qarjylyq qoldau mäselelerınde böludı bükıl el qauıp-qatermen küreste toptasqan kezde ädıletsız dep sanaimyz. Bız būl mäsele joǧary deŋgeide oŋ şeşımın tabady dep ümıttenemız. Qajettı tüzetuler engızılgennen keiın äskeri mekemelerdıŋ medisina mamandaryna üstemaqy tölenedı.
ADYRNA ŪLTTYQ PORTALY
ADYRNA ŪLTTYQ PORTALY
