كەشە «دەموكراتيالىق پارتيا» قۇرعىسى كەلەتىن ساياساتتانۋشى جانبولات ماماي پرەزيدەنت اكىمشىلىگىنە 100 مىڭ ادامنىڭ ارىزىن تاپسىردى. حاتتا حالىقتىڭ نەسيەسىن كەشىرۋدى سۇراعان.
جانبولات ماماي كوتەرگەن نەسيە امنيستياسىن قولداۋشىلار دا، قارسى شىعۋشىلار دا تابىلىپ جاتىر. ءتىپتى كەيبىر كىسىلەر ونىڭ ءسوزىن پوپۋليزم دەپ اتاپ، «مەنىڭ سالىعىمنىڭ ارقاسىندا نەگە بىرەۋدىڭ نەسيەسى كەشىرىلۋى كەرەك» دەگەندى ايتۋدا.
مەملەكەت قارجىسىنىڭ دۇرىس جۇمسالۋىن قاداعالاعان جاقسى-اق.
الايدا، ءبىز ەكسپو-2017 كورمەسىنە 565 ميلليارد تەڭگە، ازيا ويىندارىنا 235 ميلليارد تەڭگە، ۋنيۆەرسيادا وتكىزۋگە 53 ميلليون ەۆرو جۇمساعان ەلمىز.
الەمدىك جانە ءداستۇرلى دىندەر سەزىن، كەرەكسىز ەكونوميكالىق فورۋمدار مەن حالىقارىلىق باسقوسۋلار وتكىزىپ جۇرگەندە سۇرالماعان سالىق اقشاسى نەگە حالىقتىڭ، قانداسىڭنىڭ نەسيەسىنە كەلگەندە سۇرالدى؟
بۇل از دەسەڭىز، 2008-2016 جىلدارى بانكتەردى ساۋىقتىرۋعا بولىنگەن 476 ميلليارد تەڭگەنىڭ 415 ميللياردى عانا بيۋدجەتكە كەرى قايتارىلعان. ال 2017 جىلى بانكتەردى ساۋىقتىرۋعا بولىنگەن اقشا – 653,7 ملرد تەڭگە.
مۇنىڭ سىرتىندا قانشاما شەنەۋنىك ەلىمىزدەن جىراققا ەسەبى جوق اقشا اكەتتى. مامايدىڭ ايتۋىنشا، حالىقتىڭ نەسيەسىن كەشىرۋگە شامامەن 10 ميلليارد دوللار كەرەك ەكەن. تەڭگەمەن – 4 تريلليون.
توتەنشە جاعدايدا ەسەڭگىرەپ قالعان ەلدىڭ نەسيەسىن كەشىرۋ-كەشىرمەۋدى اقوردا شەشە جاتار. ءبىزدىڭ ايتپاعىمىز باسقا، «مەنىڭ ەسەبىمنەن نەسيە جابىلماسىن» دەپ جۇرگەندەرگە جوعارىداعى ەستەن تاناتىن ميللياردتاردى كورسەتۋ.
جانبولات سارىقاسقا
