اپەللياتسيالىق سوت تىركەلمەگەن دەمپارتيا كوشباسشىسى جانبولات مامايعا شىعارىلعان ۇكىمدى وزگەرىسسىز قالدىردى. بۇل تۋرالى بەلسەندىنىڭ جۇبايى، جۋرناليست ينگا يمانباي ايتتى، دەپ حابارلايدى “ادىرنا” ۇلتتىق پورتالى.
جانبولات مامايعا شىعارعان سوت ۇكىمى وزگەرىسسىز قالدى. 6 جىل شارتتى تۇردە سوتتالدى، 6 جىلعا قوعامدىق-ساياسي، جۋرناليستىك قىزمەتتەن شەتتەتىلدى. ەشقانداي وزگەرىس جوق. بۇگىن جانبولاتتىڭ وقشاۋدا وتىرعانىنا 499 كۇن بولدى. كۇرەس مۇنىمەن توقتامايدى. ەندى جوعارى سوتقا جۇگىنەمىز، ودان كەيىن بۇۇ كوميتەتى بار. قانشاما حالىقارالىق ۇيىمدار مالىمدەمە جاسادى، بۇۇ جۇمىس توبى شەشىم شىعاردى. سوعان قاراماستان، بيلىك رەپرەسسيۆتى ساياساتىن جالعاستىردى. ساياسي رەفورما، وزگەرىس دەگەن وسى ما؟، – دەپ جازدى ول.
ەسكە سالايىق، جانبولات مامايعا «قاساقانا جالعان اقپارات تاراتۋ» (274-باپ), «بيلىك وكىلىن قورلاۋ» (378-باپ) جانە «جاپپاي تارتىپسىزدىكتەر ۇيىمداستىرۋ» (272-باپ) بويىنشا ايىپتار تاعىلعان. العاشقى ەكى ايىپتاۋ 2021 جىلعى وقيعالارعا، ال ءۇشىنشىسى 2022 جىلعى قاڭتارداعى وقيعالارعا قاتىستى.
