الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قايرات ساتىبالدىنىڭ بۇرىنعى جۇبايى گۇلميرا ساتىبالدىعا قاتىستى ۇكىم شىعاردى، دەپ حابارلايدى “ادىرنا” ۇلتتىق پورتالى.
سوت شەشىمى بويىنشا گۇلميرا ساتىبالدى - 12 جىلعا، ءمادي باتىرشاەۆ توعىز جىلعا باس بوستاندىعىنان ايىرىلدى.
گۇلميرا ساتىبالدى قىلمىستىق كودەكستىڭ بىرقاتار بابى بويىنشا ايىپ تاعىلدى: ادامدى زاڭسىز باس بوستاندىعىنان ايىرۋ، بوپسالاۋ.
ونىڭ جۇرگىزۋشىسى ءمادي باتىرشاەۆتى دا زاڭسىز باس بوستاندىعىنان ايىردى دەپ ايىپتادى. سوتتا پروكۋرور ساتىبالدى 13 جىل، ال باتىرشاەۆتى 9 جىل باس بوستاندىعىنان ايىرۋدى سۇرادى.
سوتتالۋشىلار مەن ولاردىڭ ادۆوكاتتارى سوتتان ولاردى اقتاۋدى سۇرادى. ساتىبالدى ورتاشا قاۋىپسىزدىك مەكەمەسىندە 12 جىل جازاسىن وتەيدى. ونىڭ كومەكشىسى - باتىرشاەۆقا توعىز جىل بەرىلدى.
سوت سوتتالعان ساتىبالدىدان جابىرلەنۋشى ج.-نىڭ پايداسىنا 2,6 ملرد تەڭگە ماتەريالدىق شىعىن، سونىمەن قاتار 10 ملن تەڭگە مورالدىق شىعىن، سوتتالعان باتىرشاەۆتان 2 ملن تەڭگەنى ءوندىردى.
ايتا كەتسەك، بۇعان دەيىن گۇلميرا ساتىبالدى قىلمىستىق كودەكستىڭ 28-بابى، 125-بابىنىڭ 2-بولىگى 1 جانە 8 تارماعى بويىنشا كىنالى دەپ تانىلىپ، 7 جىلعا باس بوستاندىعىنان ايىرىلعان ەدى. سوت ۇكىمى 4 مامىردا شىققان.
ۇقساس جاڭالىقتار
