«ايەلىن ۇرىپ ءولتىردى» دەپ ايىپتالعان ەكس-مينيستر قۋاندىق بيشىمباەۆتىڭ اكەسى ءۋاليحان بيشىمباەۆ بىرقاتار جۋرناليست پەن بلوگەرلەردىڭ ۇستىنەن پوليتسياعا ارىز تۇسىرگەن. ول باق وكىلدەرى ۇلى مەن وتباسىنا ءتىل تيگىزدى دەپ ەسەپتەيدى. بۇل جونىندە «گيپەربورەي» ارناسىنىڭ اۆتورى ۆاديم بورەيكو جازدى، دەپ حابارلايدى “ادىرنا” ۇلتتىق پورتالى.
«سوت-پسيحياتريالىق ساراپتاماسىن نەگىزگە الا وتىرىپ، سوت بيشىمباەۆتىڭ قىلمىس جاساعان ۋاقىتتا اقىل-ەسى دۇرىس بولماعان دەپ مويىندايدى. ياعني ءوزىنىڭ ءىس-ارەكەتىنە جاۋاپ بەرە المايدى. ءبىزدىڭ پسيحياتر ساراپشىلاردىڭ اراسىندا تىعىرىققا تىرەلگەن ىستەردەن الىپ شىعاتىندارى بار»، - دەيدى بورەيكو.
بيشىمباەۆتىڭ ارىزىندا ءجۋرناليستىڭ سوزدەرى ۇلىنا، وتباسى مەن ساراپشى پسيحياترلارعا ءتىل تيگىزۋ دەپ كورسەتىلگەن. ال بورەيكو «سوزدەرىم ناقتىلاۋ ەمەس، جەكە بولجام» دەيدى.
ايتا كەتەيىك، 9 قاراشادا بيشىمباەۆتىڭ ايەلىن ءولىمشى ەتىپ ساباپ، ءولتىرىپ تاستاعانى تۋرالى اقپارات تارالدى. ال 10 قاراشا كۇنى ەكس-مينيستر 2 ايعا قاماۋعا الىندى.
