جىلاماي قاراۋ، تەبىرەنبەي تىڭداۋ مۇمكىن ەمەس

1757

وسىدان ەكى-اق كۇن بۇرىن، 9 تامىز كەشكى ساعات 20.00-دە ديماشتىڭ «قايران ەلىم» اتتى كليپىنىڭ پرەمەراسى

">You Tube كانالىندا وتكەن ەدى. از ۋاقىت  ىشىندە 470 مىڭنان استام كورىلىم  بولىپ جانە 13 مىڭنان كوپ پىكىرلەر قالدىرىلىپ ۇلگەرىپتى.

بۇل تۋىندىنىڭ مۋزىكا اۆتورى – تانىمال كومپوزيتور رەنات عايسين، ءسوزىنىڭ اۆتورلارى – دانيار الدابەرگەن جانە ورال بايسەڭگىر.

پىكىر جازعان ادامداردىڭ بارلىعى دەرلىك ديماشقا دەگەن شىن تاڭدانىستارىن، العىستارىن ءبىلدىرىپ جاتىر. كوپشىلىگى بۇل كليپتى بىرنەشە رەت قايتالاپ قاراعاندارىن جانە  بۇل تۋىندىنى جان دۇنيەڭ تەبىرەنبەي، تاڭعالماي، تاڭدانباي، تاڭداي قاقپاي، باس شايقاماي، شىعارماشىلىق توپتىڭ شەبەرلىگىنە، ديماشتىڭ تالانتىنا باس يمەي، بەي-جاي قاراۋ مۇمكىن ەمەس دەپ جازۋدا. ءبىر قاتار پىكىر يەلەرى، ءتىپتى كوز جاستارىن توقتاتا الماعاندارىن دا، ءتىپتى جىلاماي قاراۋ مۇمكىن ەمەس ەكەنىدىگىن دە مويىنداۋدا. اسىرەسە، ديماشتىڭ وتقا ورناعان كەزىن كورگەندە، ونىڭ ءوز ەلى ءۇشىن، ءتىپتى بۇكىل ادامزات ءۇشىن جانىنىڭ  قالاي قينالىپ جۇرگەنىن، قانشاما بەيكۇنا جاننىڭ مەزگىلسىز ومىردەن وتكەنىنە بار جان-دۇنيەسىمەن قايعىرا بىلەتىندىگىن بايقاۋعا بولادى دەپ جازۋدا پىكىر يەلەرى. قانشاما كوپ پىكىر جازىلعانمەن، بارلىعىنىڭ ايتار ويلارى مازمۇنداس. بارلىعى دەرلىك دماشتىڭ تالانتىنا تاڭداي قاعىپ، وعان العىس ءبىلدىرىپ، كليپتىڭ تۇسىرىلۋىنە ات سالىسقان بارلىق ازاماتتىڭ ەڭبەكتەرىن وتە جوعارى باعالاپ جاتىر. كەيبىر پىكىرلەردى نازارلارىڭىزعا ۇسىنامىز.

«ءيا، ديماش سەن اۋقىمدى، تەرەڭ ويلاناسىڭ، سەنى بۇكىل جەر شارىنىڭ ماسەلەلەرى الاڭداتادى. سەن وسى  تىلەك -  انىڭمەن ادامگەرشىلىككە، بەيبىتشىلىكتى ويلاۋعا، سوعىستىڭ بولماۋىنا شاقىراسىڭ. جەر ابدەن شارشادى، ونىڭ دا جانى بار، راسىمەن دە ونىڭ جۇرەگى سوعىپ تۇرعاندا، ءبىز ونى ساقتاپ قالا الامىز با، ءار ۇيدە راسىمەن دە قۋانىش پەن شات كۇلكى بولا ما، مۇنىڭ ءبارى وزىمىزگە بايلانىستى. سوعىس ءورتىن ءوشىرۋ ءۇشىن، سەن ءتىپتى اسپاندى دا ءوز ارەكەتىڭە دەمەۋ بەرۋگە شاقىراسىڭ. قاسقىردىڭ كوزقاراسى شارشاڭقى، ول ادال اڭ، بۇل مۇمكىن ءوز ىستەرىڭە دەگەن ادالدىققا شاقىرۋ بولار، ال ەركىندىكتەگى قۇس، بۇل جارقىن بولاشاققا دەگەن ءۇمىت بولار. ال ۇلتتىق مۋزىكالىق اسپاپتار، ول ەندى ماڭگىلىك دۇنيە، ول بۇل دۇنيەدە بار ەكەندىگىڭنىڭ ءمانىسى، جاستار وزدەرىنىڭ شىققان – تەگىن، ءتۇپ-تامىرىن، ءوز ءتىلىن، ءوز سالت-داستۇرلەرىن ۇمىتپاۋ ءۇشىن كەرەك، بۇل بارلىق ۇلتتارعا قاتىستى. كەرەمەت، اسەرلى ورىنداۋ، سەن بارلىعىن ءوزىڭنىڭ جان-دۇنيەڭ ارقىلى وتكىزەتىندىگىڭ، الاڭدايتىنىڭ، جانىڭ اشىيتىنى سەزىلەدى. ءالى دە كەش بولماي تۇرعاندا ويلانۋ ءۇشىن، ادامزاتقا ايتىلعان تىلەك. كەرەمەت جۇمىس، قۇتتىقتايمىن. كليپ، سۋپەر!!!» ، دەگەن پىكىرمەن ءبولىسىپتى ءبىر تىڭداۋشى.

«ديماش، سەن ءبىزدىڭ ەلىمىزدىڭ جارىق ساۋلەسى ىسپەتتىسىڭ، سەن ءبىزدىڭ بالالارىمىز ءۇشىن  جارقىن بولاشاققا ءۇمىت بەرەسىڭ. راحمەت، باۋىرىم»، دەگەن جۇرەك جاردى تىلەگىن قالدىرىپتى ەربول ەسىمدى ازامات.

«مەنىڭ ۇلتىم ورىس جانە قازاق ءتىلىن بىلمەيمىن، بىراق ديماش جان- جۇرەگىمەن ورىندايدى. سوندىقتان ەشقانداي دا اۋدارمانىڭ كەرەگى جوق، جانىڭدى دىرىلدەتەدى، كوزىڭە جاس كەلەدى، تاماعىڭا وكسىك تىعىلادى. بۇل بارلىعىمىز تۋرالى، بارشا جەر الەم تۋرالى. قازاقستان با، رەسەي ما نەمەسە ءبىزدىڭ جەر شارىمىزدىڭ كەز-كەلگەن بولشەگى ما، ول ماڭىزدى ەمەس. براۆو، ماەسترو. بىزبەن ءوزىڭنىڭ تالانتىڭمەن جانە  جان-دۇنيەڭمەن بولىسكەنىڭ ءۇشىن راقمەت ساعان».، دەگەن پىكىر جازىپتى يرينا ەسىمدى تىڭداۋشى.

«ەكىنشى كۇن  ان اۋەنى مەن ديماشتىڭ داۋىسى قۇلاعىمدا تۇر جاڭعىرىپ. ال ءاربىر قاراۋىم –كوز جاسىمسىز بولمايدى...»، دەيدى تاعى ءبىر پىكىر يەسى.

ال DimashNews رەسمي سايتىندا وسى «قايران ەلىم» ءانى تۋرالى، ونىڭ ومىرگە قالاي كەلگەندىگى تۋرالى تولىق اقپارات بەرىلگەن.

«مازمۇنى تەرەڭ، تراگەديا مەن ءۇمىتى قاتار، جۇرەكتى تەربەر ەموتسياعا تولى مۋزىكالىق كومپوزيتسيا... «قايران ەلىم» ءانى ديماشتىڭ جۇرەگىنەن وتكىزگەن ۋايىمى، وتانى مەن الەمگە دەگەن الاڭداۋشىعىنان تۋىنداعان تىلەگى ىسپەتتى. نەگىزىنەن، شىعارما تاقىرىبىنا ميلليونداعان الەم تۇرعىندارىنىڭ ءومىرىن جالماعان، كوروناۆيرۋس ىندەتى ارقاۋ بولعان»، دەلىنگەن سايتتا.

«قايران ەلىم» ادامزاتقا جاسالعان ۇندەۋ ىسپەتتى، قورقىنىشتى جايتقا قاراماستان، جاقسىلىقتان ءۇمىتىمىزدىڭ بارىن ۇعىندىرۋ. بارلىق اۋىرتپالىقتى ەڭسەرەتىنىمىزگە سەندىرگىمىز كەلەدى. ءدال قازىرگى تاڭدا ەڭ باستىسى – مىقتى بولۋىمىز كەرەك»، - دەيدى رەنات گايسين مەن ديماش قۇدايبەرگەن.

سونىمە بىرگە، قوبىزىنىڭ قوڭىر ۇنىمەن بەينەگە ەرەكشە رەڭ سىيلاعان مۋزىكانت ولجاس قۇرمانبەكتىڭ ەڭبەگىن ايتپاي كەتۋگە بولماس.

«...اۆتورى مەن ديماشتىڭ ءوتىنىشى بويىنشا كومپوزيتسيانى قوبىز اسپابىندا ويناۋدان باستادىق. مەن مۇڭلى اۋەندى ويناپ باستادىم، ناتيجەسىندە راسىمەن دە، ادەمى، جاڭا تۋىندى جاساپ شىعارعان سياقتىمىز.مەن بۇل جوبادان ەرەكشە اسەر الدىم. مەن ءۇشىن ۇلكەن تاجىريبە. شىعارما كوپشىلىكتىڭ كوڭىلىنەن شىعادى دەگەن ۇمىتتەمىن»، - دەيدى قوبىزشى ولجاس قۇرمانبەك.

ۆيزاجيست ساندي بەكسىرعا بولسا ءتۇسىرۋ كەزىندەگى ءساتتى كۇلىپ ەسكە الادى: « بىلەسىز بە، ءتۇسىرۋ جۇمىستارى كەزىندە تابيعاتتىڭ سۇلۋلىعىنا تامساندىق. الاتاۋ مەن كولدەردىڭ اسەمدىگىن سوزبەن جەتكىزۋ مۇمكىن ەمەس. تابيعاتتىڭ ءوزى ديماشتى جاقسى كورەتىن سەكىلدى. سامال جەل سوعىپ، اعاشتان ۇشقان ۇلپالار اۋەننىڭ ىرعاعىمەن سۋ بەتىنە قونىپ جاتتى. بۇل راسىمەن دە تامساندىرماي قويمايتىن سۇلۋلىق!».

ماتەريالدىڭ تولىق نۇسقاسىن سىلتەمە ارقىلى DimashNews رەسمي سايتىندا وقي الاسىزدار.

ديماشتىڭ

">رەسمي كانالىنا ءوتىپ، وزگەلەرگە ۇقسامايتىن تاعى ءبىر ەرەكشە تۋىندىمەن تانىسىپ، كوزايىم بولىڭىزدار. دۇنيەنىڭ تۇكپىر – تۇكپىرىنەن جازىلىپ جاتقان رياسىز پىكىرلەرگە قوسىلىپ، ءوز ۇلدارىڭىز ءۇشىن، ماقتانىشىمىز ءۇشىن جاقسى سوزدەرىڭىزدى اياماڭىزدار، قادىرلى وقىرمان!

ەركەگۇل توقتامۇرات

«ادىرنا» ۇلتتىق پورتالى

پىكىرلەر
رەداكتسيا تاڭداۋى